महाराष्ट्रातील जळगाव जिल्ह्यात काही अज्ञातांनी भुसावळ-नंदुरबार पॅसेंजर ट्रेनवर दगडफेक केली. त्यामुळे परिसरात तणावाचे वातावरण निर्माण झाले. याचा एक व्हिडिओही समोर आला आहे, ज्यामध्ये बुरखा आणि नमाजी टोपी घातलेले लोक ट्रेनवर दगडफेक करत आहेत, असे दिसत आहेत. त्यामुळे दगडफेक करणारे मुसलमान (Muslim) होते का, अशी शक्यता वर्तवली जात आहे. याप्रकरणी गुन्हा दाखल करण्यात आला आहे.
अमळनेर तालुक्यातील धार येथील एका टेकडीवर शेकडो हिंदू भाविक जत्रा/उरूस उत्सवासाठी जमले होते. पश्चिम रेल्वेचे मुख्य जनसंपर्क अधिकारी विनीत अभिषेक यांनी दिलेल्या माहितीनुसार, शुक्रवारी, १२ जुलै २०२४ रोजी सकाळी एका धार्मिक कार्यक्रमात सहभागी होण्यासाठी मोठ्या संख्येने लोक भुसावळहून भोरटेककडे जात होते. त्यावेळी रेल्वेत आरपीएफचे जवानही उपस्थित होते. ते म्हणाले की, ट्रेनमध्ये प्रवास करणाऱ्या सहा आरपीएफ जवानांनी अद्याप या घटनेबाबत कोणतीही माहिती दिलेली नाही.
(हेही वाचा Saras Baug मध्ये नमाज पठण; जागेवर कब्जा करण्याचे कट कारस्थान?)
ही घटना 12 जुलै रोजी घडल्याचे सांगण्यात येत आहे. मिळालेल्या माहितीनुसार, भुसावळहून नंदुरबारकडे जाणारी पॅसेंजर गाडी अमळनेर रेल्वे स्थानकावरून सकाळी 10.50 वाजता निघाली. सुमारे 10 मिनिटांनंतर काही लोकांनी रेल्वेची चेन खेचून मालनेर तालुक्यातील धार येथील टेकडीजवळ उतरून चालत्या रेल्वेवर दगडफेक सुरू केली. यावेळी लोक नमाजी टोपी आणि बुरख्यातही दिसले. मात्र, या घटनेत कोणी जखमी झाल्याची कोणतीही माहिती समोर आली नसल्याचेही विनीत अभिषेकचे म्हणणे आहे. याबाबत अद्याप कोणीही लेखी अहवाल दिलेला नाही, असेही ते म्हणाले. व्हायरल व्हिडिओच्या आधारे जीआरपीने अज्ञात लोकांविरुद्ध गुन्हा दाखल केला आहे.
अशा अनेक घटना समोर आल्या आहेत. एप्रिल 2024 मध्ये ग्वाल्हेरहून जौराकडे जाणाऱ्या मेमू ट्रेनवर दगडफेक झाल्याची घटना समोर आली होती. ट्रेन ग्वाल्हेरच्या बिर्ला नगर स्थानकावर पोहोचली तेव्हा ही घटना घडली. यापूर्वी ग्वाल्हेर-मोरेनाजवळ वंदे भारत एक्स्प्रेस आणि शताब्दी एक्स्प्रेसवर अशाच प्रकारची दगडफेक झाल्याचे वृत्त आहे.
Join Our WhatsApp Community