अब्जाधीश उद्योगपती मुकेश अंबानी यांचा धाकटा मुलगा अनंत अंबानी आणि उद्योगपती वीरेन मर्चंट यांची मुलगी राधिका मर्चंट यांचा शुक्रवारी, १२ जुलै रोजी मुंबईतील जिओ वर्ल्ड कन्व्हेन्शन सेंटरमध्ये शाही विवाहसोहळा पार पडला. या आलिशान लग्नाला देशासह जगभरातील प्रसिद्ध व्यक्तींनी हजेरी लावली. क्रीडा, व्यवसाय, मनोरंजन आणि राजकारणातील जगातील लोकप्रिय चेहऱ्यांची या सोहळ्याला उपस्थिती दिसली. अनंत आणि राधिकाच्या लग्नाचे कार्यक्रम १२ ते १५ जुलै असे तीन दिवस सुरु आहेत.
(हेही वाचा Saras Baug मध्ये नमाज पठण; जागेवर कब्जा करण्याचे कट कारस्थान?)
शनिवारी, १३ जुलै या नवदाम्पत्याचा ‘शुभ आशीर्वाद’ सोहळा आहे. या कार्यक्रमाला पंतप्रधान नरेंद्र मोदी यांनीही उपस्थिती लावली. रात्री सुमारे ८ वाजून ४५ मिनिटांनी पंतप्रधान मोदी (PM Narendra Modi) या सोहळ्याला आले आणि नवदाम्पत्याला आशीर्वाद दिले.अनंत-राधिका या नवदाम्पत्याला आशीर्वाद देण्यासाठी पंतप्रधान नरेंद्र मोदी बीकेसीच्या जिओ वर्ल्डमध्ये दाखल झाले. संपूर्ण अंबानी कुटुंब पंतप्रधान मोदींच्या स्वागतासाठी हजर होते. वरमाय नीता अंबानी आणि वरपिता मुकेश अंबानी यांनी स्वतः त्यांचे स्वागत केले. पीएम मोदींनी (PM Narendra Modi) अनंत अंबानी आणि राधिका मर्चंट यांची भेट घेऊन त्यांना आशीर्वाद दिले. ‘मंगल उत्सव’ किंवा लग्नाचे रिसेप्शन हे १४ जुलै रोजी आयोजित केले आहे. तर, १५ जुलै रोजी मुंबईत दुसरी रिसेप्शन पार्टी आयोजित केली जाणार आहे.
Join Our WhatsApp Community