जगभरातील विंडोज युजर्सना त्यांच्या कम्प्युटर आणि लॅपटॉपमध्ये काही अडचणींचा सामना करावा लागत आहे. ब्लू स्क्रीन ऑफ डेथ (BSOD) समस्या निर्माण झाली आहे, ज्यामुळे सिस्टम अनेक वेळा रिस्टार्ट होत आहेत. या समस्येमुळे युजर्सचे काम करणे अत्यंत कठीण झाले आहे. यावर सायबर सिक्योरिटी कंपनी क्राऊडस्ट्राइकने एक अपडेट जारी केले होते, परंतु यानंतर MS विंडोजवर चालणारे सर्व कम्प्युटर आणि लॅपटॉप अचानक क्रॅश होऊ लागले आहेत. काम करत असताना लॅपटॉप अचानक बंद होत आहेत आणि स्क्रीनवर ‘कम्प्यूटर प्रॉब्लेममध्ये आहे. याला रिस्टार्ट करण्याची आवश्यकता आहे” असा मेसेज दिसत आहे. या प्रक्रियेला ब्लू स्क्रीन ऑफ डेथ (BSOD) म्हटले जात आहे. (Microsoft Windows Crowdstrike)
(हेही वाचा – Budget : पंतप्रधान आवास योजनेची उत्पन्न मर्यादा कमी होण्याची शक्यता)
कोणकोणत्या सेवा झाल्या प्रभावित ?
माइक्रोसॉफ्ट विंडोजमधील या समस्येचा प्रभाव कंपनीच्या अनेक सर्व्हिसेसवर पडला आहे. युजर्सना माइक्रोसॉफ्ट 360, माइक्रोसॉफ्ट विंडोज, माइक्रोसॉफ्ट टीम्स, माइक्रोसॉफ्ट Azure, माइक्रोसॉफ्ट स्टोर आणि माइक्रोसॉफ्ट क्लाउड-पावर्ड सर्विसमध्ये समस्यांचा सामना करावा लागत आहे.
माइक्रोसॉफ्ट 365 मध्ये 900 पेक्षा लोकांनी रिपोर्ट्स केले आहेत. 74 टक्के वापरकर्त्यांना माइक्रोसॉफ्ट स्टोरमध्ये लॉगिन करता येत नाही, तर 36 टक्के युजर्सना अॅप्समध्ये समस्यांचा सामना करावा लागतो आहे. याशिवाय कंपनीशी संबंधित इतर प्लॅटफॉर्मवरही समस्या आल्या आहेत.
विमानतळांवर झालेली असुविधा
BSOD समस्येचा प्रभाव देशभरातील अनेक एयरलाइन्स कंपन्यांवर पडला आहे. या समस्येमुळे इंडिगो, अकासा आणि स्पाइसजेटच्या चेक-इन सिस्टममध्ये अडचणी आल्या आहेत. सकाळी 10:45 पासून चेक-इन सिस्टममध्ये जागतिक स्तरावर समस्या निर्माण झाली आहे. एयरलाइन्स कंपन्या या समस्येवर तात्काळ उपाय शोधण्यासाठी माइक्रोसॉफ्टसोबत काम करत आहेत. दिल्ली एयरपोर्टवरील सूत्रांनी दिलेल्या माहितीनुसार, टर्मिनल-3 वर उड़ान सेवांवर काही मोठा प्रभाव पडलेला नाही, पण टर्मिनल-2 वर याचा परिणाम दिसून येत आहे. एयरलाइन्स कंपन्या मॅन्युअल प्रोसेस अनुसरून काम करत आहेत.
अकासा एयरलाइन्स आणि स्पाइसजेटनेही प्रवाशांना याबद्दल सूचित केले आहे. त्यांनी म्हटले की, आम्ही सध्या तांत्रिक समस्यांचा सामना करत आहोत, ज्यामुळे बुकिंग, चेक-इन आणि बुकिंग फंक्शन प्रभावित झाले आहे. एअरपोर्टवर मॅन्युअल चेक-इन आणि बोर्डिंग प्रक्रियांचा वापर सुरू केला आहे. त्यांनी प्रवाशांना एअरपोर्टच्या काउंटरवर चेक-इन पूर्ण करण्यासाठी सामान्य वेळेपेक्षा लवकर पोहोचण्याची विनंती केली. (Microsoft Windows Crowdstrike)
हेही पहा –
Join Our WhatsApp Community