सध्या इंदापुर विधानसभा मतदारसंघात अजित पवार गटातील दत्ता मामा भरणे आमदार आहेत. २०१९ च्या निवडणुकीत दत्ता मामा भरणे यांनी भाजपाच्या हर्षवर्धन पाटलांचा पराभव केला होता. आता दोन्ही नेते महायुतीत (Mahayuti) आहेत. तशीच काहीशी परिस्थिती मावळ विधानसभा क्षेत्रात देखील आहे. सध्या मावळ विधानसभा मतदारसंघात राष्ट्रवादी काँग्रेस अजित पवार गटाकडून सुनील शेळके आमदार आहेत. असे असताना देखील भाजपाचे बाळा भेगडे हे इच्छुक आहेत. त्यामुळे दोन्ही पक्ष महायुतीत सहकारी असले तरी उमेदवारीमुळे एकमेकांसमोर येऊ शकतात.
इंदापूर आणि मावळ विधानसभा मतदारसंघांमध्ये आगामी निवडणुकांच्या संदर्भात महायुतीला (भाजपा-शिवसेना आदी आघाडी) अडचणीचा सामना करावा लागू शकतो, अशी बातमी समोर आली आहे. या दोन मतदारसंघात सध्या राजकीय परिस्थितीचे विश्लेषण केल्यास, महायुतीच्या (Mahayuti) पक्षीय समन्वयात काही अडचणी येऊ शकतात.
इंदापूर आणि मावळ या मतदारसंघांमध्ये प्रमुख उमेदवारांचे निवडणूक प्रचार आणि संभाव्य विरोधकांची ताकद पाहता, महायुतीला सुसंगत आणि प्रभावी निवडणूक रणनीतीची आवश्यकता आहे. हर्षवर्धन पाटील आणि बाळा भेगडे यांसारख्या प्रमुख उमेदवारांची समोरा-समोर आल्यास या क्षेत्रात महायुतीला आव्हान देऊ शकते.
(हेही वाचा – अन्य राज्यातील BAMS पदवीधारकांना पदव्युत्तर अभ्यासक्रमात कोट्यातून संधी मिळणार)
इंदापूर मध्ये शंभर टक्के हर्षवर्धन पाटील लढणार – अंकिता पाटील
काहीही झालं तरी यावेळी हर्षवर्धन पाटील हे १०० टक्के निवडणूक लढणार. ती कशी लढायची, यावर आता काही बोलणार नाही. मात्र, निवडणुक लढविण्यावर आम्ही ठाम आहोत. असं अंकिता पाटलांनी म्हटलंय. इंदापुरचा कार्यकर्ता आमचा विश्वास आहे. अद्यापपर्यंत आम्ही कोणताही निर्णय घेतला नाही. तीन वेळा आमच्यावर अन्याय झालाय. जागा वाटपाचा निर्णयात आतापर्यंत झालं नाही. जागवाटप काय होतंय. हे महत्वाचं आहे. असंही त्या म्हणाल्यात.
मावळमध्ये देखील बाळा भेगडे विद्यमान आमदार सुनील शेळके यांना आवाहन देणार
मावळ विधानसभेवरुन भाजपा आणि राष्ट्रवादी अजित पवार गटामध्ये वाद पेटला आहे. मावळ विधानसभा हा भाजपाचाच बालेकिल्ला आहे, असे म्हणत बाळा भेगडे यांनी सुनिल शेळकेंना आव्हान दिले आहे. सांगली लोकसभेचा दाखला देत बाळा भेगडे यांनी बंडखोरीचे स्पष्ट संकेत दिले आहेत. काल मावळ विधानसभा मतदार संघात भाजपा कार्यकर्त्यांचा मेळावा घेत बाळा भेगडे यांनी जोरदार शक्तीप्रदर्शन केले. यावेळी ते बोलत होते.
सर्व राजकीय परिस्थिती आणि संभाव्य परिणाम यांचे मूल्यांकन करून महायुतीने (Mahayuti) आवश्यक बदल आणि रणनीतीमध्ये सुधारणा करण्याची आवश्यकता असल्याचे दिसून येते. परंतु त्यासोबतच अशाप्रकारे होणारी मंडळी देखील महायुतीसाठी मोठी डोकेदुखी ठरू शकते.
हेही पहा –
Join Our WhatsApp Community