मुंबईसह राज्यभरात केलेल्या कारवाईत जप्त करण्यात आलेले ५ हजार ५०० किलो विविध प्रकारचे अंमली पदार्थांची नार्कोटिक्स कॅट्रोल ब्युरो कडून (NCB) शुक्रवारी विल्हेवाट लावण्यात आली आहे. एक उच्चस्तरीय औषध विल्हेवाट समिती (एचएलडीडीसी) समितीच्या मार्गदर्शनाने ही कारवाई करण्यात आली आहे. जप्त करण्यात आलेल्या अंमली पदार्थ (Drugs) प्रकरणात एनसीबीकडून गुन्हे दाखल करून परदेशी नागरिकांसह शेकडो गुन्हेगारांना याप्रकरणी अटक करण्यात आली होती. विल्हेवाट लावण्यात आलेल्या अंमली पदार्थांमध्ये एमडी, कोकेन, हेरॉईन, गांजा आणि कोडेन सिरपचा मोठ्या प्रमाणात समावेश होता अशी माहिती एनसीबीच्या अधिकाऱ्यांनी दिली.
(हेही वाचा – Anti Conversion Law : उत्तरप्रदेशात धर्मांतरविरोधी कायद्यांतर्गत आतापर्यंत १,६८२ जणांना अटक)
देशातील केंद्रीय यंत्रणा नार्कोटिक्स कंट्रोल ब्युरो (एनसीबी) च्या मुंबई विभागाने मागील काही वर्षांत मुंबईसह राज्यभरात तसेच गोवा येथे अंमली पदार्थ (Drugs) विरोधी अभियान हाती घेतले होते. एनसीबीकडून मुंबईसह राज्यभरात आणि गोव्यात छापेमारीची कारवाई करण्यात आली होती. या कारवाईत एबीसीबीने दाखल केलेल्या विविध गुन्ह्यात ड्रग्स पेडलर्स ते ड्रग्ज तस्करांच्या मुसक्या आवळून त्यांना अटक केली होती. या दरम्यान एनसीबीने जवळपास ५ हजार ५०० किलो विविध प्रकारचे अमली पदार्थ जप्त करण्यात आले होते. त्यात १० किलो कोकेन, ५२ हजार १३० कोडीन सिरपच्या बॉटल, मॅफेड्रोन, गांजा, हेरॉईन सारखे अमली पदार्थाचा समावेश होता. हे ड्रग्ज प्रामुख्याने ठाणे आणि मुंबईतील धारावी परिसरात असलेल्या सिंडिकेट्सने बनावट कागदपत्रांचा वापर करून पुरवठादारांकडून खरेदी केली होती. बेकायदेशीरपणे ड्रग्जची वाहतूक रोडवे, ट्रेन आणि अगदी लॉजिस्टिक मालवाहू मालवाहतूक करण्यात आली होती, या प्रकरणी ड्रग्ज किंगपिन, फायनान्सर्स, वाहक आणि सहयोगींसह असंख्य व्यक्तींना अटक करण्यात आली आहे.
(हेही वाचा – Aman Sehrawat Bronze : अमनवर सोशल मीडियात अभिनंदनचा वर्षाव)
सर्वोच्च न्यायालयाने विहित केलेल्या मार्गदर्शक तत्त्वांनुसार एक उच्चस्तरीय औषध विल्हेवाट समिती (एचएलडीडीसी) गठीत करण्यात आली होती ज्यात मनीश कुमार, IRS, Dy डीजी-एनसीबी, अमित घावटे, आयआरएस, अतिरिक्त. संचालक, NCB-मुंबई आणि राजेंद्र शिरतोडे, ACP, ANC-मुंबई यांचा समावेश होता. समितीकडून खटल्यांचा आढावा घेण्यात आला आणि चाचणीपूर्व निकालासाठी केवळ योग्य प्रकरणांची निवड करण्यात आली. त्यानुसार, सर्व कायदेशीर अटींची पूर्तता करण्यात आली त्यानंतर जप्त केलेल्या औषधांची गुरुवारी आणि शुक्रवारी मुंबई वेस्ट मॅनेजमेंट लि., तळोजा, महाराष्ट्र येथे जाळपोळ करून विल्हेवाट लावण्यात आली. (Drugs)
हेही पहा –
Join Our WhatsApp Community