निर्माते जितेंद्र नारायण सिंह (आधीचे वसीम रिझवी) आणि दिग्दर्शक सनोज मिश्रा यांनी ‘द डायरी ऑफ वेस्ट बंगाल’ (The Diary of West Bengal) या चित्रपटाच्या माध्यमातून पश्चिम बंगालमधील (West Bengal) हिंदूंचे भीषण वास्तव जगासमोर आणले आहे. अभिनेते अर्शीन मेहता, यजुर मारवाह यांच्या या चित्रपटात मुख्य भूमिका आहेत.
पश्चिम बंगालमधील अस्थिरतेच्या पार्श्वभूमीवर आधारित हा चित्रपट बनवण्यात आला आहे. यामध्ये रोहिंग्या मुसलमानांची भीषण अतिक्रमणे, बांगलादेशातून होणाऱ्या इस्लामी घुसखोरीचे संकट, लव्ह जिहादच्या (Love Jihad) सातत्याने घडणाऱ्या यांचे वास्तववादी चित्रण करण्यात आले आहे.
(हेही वाचा – Badlapur School Case : बदलापूर आंदोलनकर्त्यांची धरपकड सुरू, विविध पोलीस ठाण्यात ४ गुन्हे दाखल)
नुकतेच चित्रपटाचा ट्रेलर पूज्य रामभद्राचार्य महाराज यांच्या हस्ते लाँच करण्यात आला आहे. पूज्य रामभद्राचार्य यांनी या चित्रपटाला आशीर्वाद दिले.
हा चित्रपट कठोर वास्तवाचा आरसा – निर्माते जितेंद्र नारायण सिंह
निर्माते जितेंद्र नारायण सिंह (वसीम रिझवी) म्हणाले की, “हा चित्रपट केवळ एक चित्रपट नाही, तर जाणूनबुजून दुर्लक्षित केल्या जाणाऱ्या कठोर वास्तवाचा आरसा आहे. मुख्य प्रवाहातील माध्यमे ज्या समस्यांना सामोरे जाण्यास खूप घाबरत आहेत, त्या समस्यांकडे आम्ही लक्ष देत आहोत. बांगलादेशातून घुसखोरी असो किंवा लव्ह जिहादद्वारे निष्पाप लोकांच्या जीवाशी खेळणे असो, जिथे इतरांना पाऊल ठेवण्यास भीती वाटते, तिथे जाण्याचे धाडस हा चित्रपट करतो.”
सत्य बोलण्याची वेळ आली आहे – सनोज मिश्रा
दिग्दर्शक सनोज मिश्रा म्हणाले, “पश्चिम बंगाल हा समृद्ध संस्कृती असलेला देश आहे, परंतु तो वेढा घातलेला प्रदेश देखील आहे. आपला चित्रपट अस्वस्थ करणारी सत्ये समोर आणतो, जी अनेकजण लपवणे पसंत करतात. ‘द डायरी ऑफ वेस्ट बंगाल’ हा केवळ एक चित्रपट नाही; देशासाठी हा इशारा आहे. आम्ही प्रत्युत्तर देण्यास तयार आहोत, परंतु आम्हाला विश्वास आहे की, सत्य बोलण्याची वेळ आली आहे”
चित्रपटाचा ट्रेलर जसजसा पुढे सरकतो, तसतशी एक गोष्ट स्पष्ट होते की, ‘द डायरी ऑफ वेस्ट बंगाल’ (The Diary of West Bengal) हा केवळ एक चित्रपट नाही, तर भारत ज्याकडे दुर्लक्ष करू शकत नाही, असे भीषण वास्तव आहे. हा चित्रपट 30 ऑगस्ट 2024 रोजी प्रदर्शित होणार आहे.
हेही पहा –
Join Our WhatsApp Community