Gold Loan : सुवर्ण तारण कर्जाचा उपयोग व फायदे

• ऋजुता लुकतुके

आर्थिक अडचणीच्या काळात कर्ज घेणे हा एक प्रसिद्ध पर्याय आहे. सध्या पर्सनल लोन, गोल्ड लोन असे अनेक पर्याय उपलब्ध आहेत. सोन्याच्या किमतीत वाढ आणि मागणी वाढल्याने गोल्ड लोन हा चांगला पर्याय बनला आहे. याद्वारे मौल्यवान सोने न विकता तुम्हाला कर्ज मिळते.

गोल्ड लोन घेण्यापूर्वी अनेक बाबींचा विचार करणे आवश्यक आहे. यामध्ये व्याजदर, कर्ज-ते-मूल्य गुणोत्तर, प्रक्रिया शुल्क आणि कर्ज परतफेडीच्या अटींचा समावेश आहे. सर्वात महत्त्वाचे म्हणजे, तुमच्या तारण ठेवलेल्या सोन्याची सुरक्षा अत्यंत महत्त्वाची आहे. अशा परिस्थितीत, तुम्ही एक प्रतिष्ठित लेंडर (म्हणजे सोने कर्ज देणारी फर्म) निवडावा ज्यांच्याकडे सुरक्षित स्टोरेज किंवा लॉकर सुविधा आहे किंवा विमा उतरवलेली तिजोरी आहे. (Gold Loan)

(हेही वाचा – Telangana मध्ये मुसलमान रिक्षाचालकाने आदिवासी महिलेवर केले लैंगिक अत्याचार)

• गोल्ड लोन हे सुरक्षित कर्ज आहे. सोने तारण ठेवल्याने सावकाराची आर्थिक जोखीम कमी होते.
• गोल्ड लोन प्रक्रियेला तुलनेने कमी वेळ लागतो. त्यासाठी फारशी कागदपत्रे लागत नाहीत.
• सोन्याच्या किमती वाढल्या की, तुमचे गुंतवणुकीचे मूल्य वाढू शकते, ज्यामुळे सोने कर्ज घेणे फायदेशीर ठरते.

(हेही वाचा – US Open 2025 : युएस ओपन टेनिस स्पर्धेत रोहन बोपान्नाचा मिश्र दुहेरीत उपांत्य फेरीत पराभव)

साधारणपणे तुम्हाला कर्जाची परतफेड करण्यासाठी २ ते ३ वर्षे मिळतात. पण ते बँक आणि बँकेतर वित्तीय संस्थांवर अवलंबून आहे. एचडीएफसी बँक ३ महिने ते दोन वर्षांसाठी कर्ज देते. स्टेट बँक तीन वर्षांपर्यंत देते. मुथूट आणि मणप्पुरम दीर्घ कालावधीसाठी कर्ज देतात. १ लाख रुपयांच्या सोन्यासाठी तुम्हाला जास्तीत जास्त ९० हजार रुपयांचे कर्ज मिळेल. स्टेट बँक ५० लाखांपर्यंतचे सोने कर्ज देते. १,५०० रुपये कर्जही देतात. या कंपन्या केवळ सोन्याचे कर्ज देत असल्याने येथे कमाल मर्यादा नाही.

एसबीआयच्या वेबसाइटनुसार, तुम्हाला पॅन कार्ड, आधार आणि २ पासपोर्ट आकार द्यावे लागतील. याशिवाय पत्त्याचा पुरावाही द्यावा लागणार आहे. गोल्ड लोन हा सुरक्षित कर्जाचा प्रकार आहे. त्यामुळे तुमच्या क्रेडिट स्कोअरला यात काही फरक पडत नाही. हे कर्ज तुम्हाला वैयक्तिक कर्जाच्या तुलनेत सहज आणि कमी व्याजावर मिळते. (Gold Loan)

(हेही वाचा – T20 World Record : ऑस्ट्रेलियाने ६ षटकांत चोपल्या ११३ धावा, टी-२० तील अनेक विक्रम धारातीर्थी)

बँका किंवा बँकेतर वित्तीय संस्था तुम्हाला कर्जाची रक्कम आणि व्याज परत करण्यासाठी अनेक पर्याय देतात, तुम्ही तुमच्या गरजेनुसार त्यापैकी कोणताही पर्याय निवडू शकता. तुम्ही समान मासिक हप्त्यांमध्ये (ईएमआय) पैसे देऊ शकता. याशिवाय तुम्ही मुद्दल पेमेंट दरम्यान एकरकमी व्याज देऊ शकता. याला बुलेट रिपेमेंट म्हणतात आणि यामध्ये बँका मासिक आधारावर व्याज आकारतात.

जर तुम्ही कर्जाची वेळेवर परतफेड करू शकत नसाल तर कर्ज कंपनीला तुमचे सोने विकण्याचा अधिकार आहे. याशिवाय, सोन्याची किंमत कमी झाल्यास, कर्ज देणारा तुम्हाला अतिरिक्त सोने गहाण ठेवण्यास सांगू शकतो. जेव्हा तुम्हाला अल्प कालावधीसाठी पैशांची गरज असते तेव्हाच गोल्ड लोन घेणे योग्य असते. घर खरेदीसारख्या मोठ्या खर्चासाठी त्यांचा वापर करणे योग्य ठरणार नाही. (Gold Loan)

हेही पहा –