मुंबईतील भायखळा परिसरात राष्ट्रवादी काँग्रेसचे नेते सचिन राममुरथ कुर्मी (Sachin Kurmi) यांच्या हत्येने संपूर्ण शहर हादरले आहे. शुक्रवारी (०४ ऑक्टोबर) रात्री ते प्रादेशिक दौऱ्यावर असताना तीन अज्ञात हल्लेखोरांनी त्यांच्यावर धारदार शस्त्रांनी हल्ला केला आणि त्यांच्या शरीरावर २० हून अधिक वार केले, यात त्यांचा मृत्यू झाला. याप्रकरणी आता पोलिसांनी तीन आरोपींना अटक (Three accused arrested) केली आहे. (Sachin Kurmi)
स्थानिक पोलिसांनी अनिल उर्फ अन्या काळे आणि विजय उर्फ पप्या काकडे यांना ताब्यात घेतले आहे. मात्र, या घटनेत आणखी आरोपी असू शकतात, ज्यांचा पोलीस शोध घेत आहेत. याप्रकरणी विजय उर्फ बुवा कुलकर्णी आणि दिलीप वाघसकर हे संशयित मानले जात असल्याची माहिती पोलीस सूत्रांनी दिली. कुलकर्णी यांना गेल्या चार दिवसांपासून पुण्यातील खासगी रुग्णालयात दाखल करण्यात आले असून वाघस्कर यांना पोलिसांनी ताब्यात घेतले असून त्यांची चौकशी सुरू आहे.
(हेही वाचा – Sexual Assault : भूतबाधा काढण्याच्या नावाखाली मौलवीने केला हिंदू महिलेवर अत्याचार)
जुन्या वैमनस्यातून खुन
कुलकर्णी याने मृताच्या भावाला नऊ लाख रुपये उसने दिल्याचे प्राथमिक तपासात उघड झाले आहे. पैशांच्या वसुलीसाठी दोघांमध्ये वारंवार वाद होत होते आणि हे हत्याकांडाचे संभाव्य कारण मानले जात आहे. विशेष म्हणजे राष्ट्रवादीच्या नेत्याने कुलकर्णी यांच्याविरोधात पोलिसांत तक्रारही केली होती. (Sachin Kurmi)
(हेही वाचा – सरसंघचालक Mohan Bhagwat यांचं हिंदूंना मोठं आवाहन, म्हणाले भारत एक… )
सचिन कुर्मी यांचा राष्ट्रवादीच्या प्रमुख नेत्यांमध्ये होता समावेश
सचिन कुर्मी (Sachin Kurmi) हे भायखळा विभागातील प्रमुख नेते मानले जात असल्याने या दुःखद हत्येने राजकीय वर्तुळात खळबळ उडाली आहे. मुंबई पोलीस (Mumbai Police) या प्रकरणाचा गांभीर्याने तपास करत असून सर्व बाबींचा विचार केला जात आहे. राष्ट्रवादीचे ज्येष्ठ नेते छगन भुजबळ (NCP leader Chhagan Bhujbal) यांनी हत्येच्या एक दिवस आधी त्यांच्याशी बोलणे झाले होते. त्यांनी आपल्या भागात होत असलेल्या विकासकामांची माहिती दिली. तसेच भुजबळ हे कुटुंबीयांना भेटण्यासाठी त्यांच्या घरीही गेले होते.
हेही पाहा –
Join Our WhatsApp Community