दिल्लीतील रोहिणी उपनगरातील प्रशांत विहार परिसरात रविवारी सकाळी स्फोट (Delhi CRPF School Blast ) झाला. सीआरपीएफ शाळेच्या भिंतीजवळ हा स्फोट झाला. स्फोटामुळे आजूबाजूच्या परिसरात धुराचे लोट पसरले होते. शाळेजवळ हा स्फोट कसा झाला आणि त्यामागे काही षडयंत्र आहे का? या प्रश्नांची उत्तरे दिल्ली पोलिसांनी शोधण्यास सुरुवात केली आहे. याबाबत आता महत्त्वाची बातमी समोर येत आहे. (Delhi CRPF School Blast )
गृह मंत्रालयाने अहवाल मागवला
दिल्लीतील रोहिणी सेक्टर 14 येथील सीआरपीएफ शाळेजवळ झालेल्या स्फोटाची जबाबदारी खलिस्तानवाद्यांनी घेतली आहे. त्यांचा संदेश जस्टिस लीग इंडिया ग्रुपवर टेलिग्रामवर आला आहे. ते कधीही हल्ला करण्यास किती सक्षम आहेत हे त्यात नमूद केले आहे. प्राथमिक तपासात क्रूड बॉम्बसदृश सामग्री सापडली आहे. मात्र, संपूर्ण अहवाल आल्यानंतरच अधिकृत माहिती उपलब्ध होणार आहे. सध्या तपास यंत्रणा संदेशाची चौकशी करत आहेत. त्याचबरोबर नॅशनल इन्व्हेस्टिगेशन एजन्सी (NIA) आणि नॅशनल सिक्युरिटी गार्ड (NSG) च्या टीमनेही तपास सुरू केला आहे. गृह मंत्रालयाने याप्रकरणी दिल्ली पोलिसांकडून अहवाल मागवला आहे. (Delhi CRPF School Blast )
पीसीआर कॉलद्वारे स्फोटाची माहिती मिळाली
पोलिस अधिकाऱ्यांनी सांगितले की, “रविवारी सकाळी 07:47 वाजता पीसीआर कॉल आला. कॉलरने माहिती दिली की रोहिणीच्या सेक्टर 14 मधील सीआरपीएफ शाळेजवळ मोठा स्फोट झाला आहे. त्यानंतर एसएचओ आणि कर्मचारी पोहोचले. घटनास्थळी जवळपासच्या दुकानांच्या काचा आणि दुकानाजवळ उभ्या असलेल्या कारचेही नुकसान झाले आहे. (Delhi CRPF School Blast )
हेही पहा-
Join Our WhatsApp Community