- सुजित महामुलकर
राज्यातील काँग्रेस नेते आणि विधानसभेतील विरोधी पक्ष नेते विजय वडेट्टीवार हे काँग्रेस ‘हाय कमांड’ म्हणून ओळखले जाणारे लोकसभेतील विरोधी पक्ष नेते राहुल गांधी (Rahul Gandhi) यांच्यापेक्षाही श्रीमंत आहेत. इतकेच नव्हे तर गांधी यांच्यापेक्षा वडेट्टीवार यांच्याकडे जवळपास पाचपट संपत्ती आहे.
एकूण मालमत्ता साधारण ९७ कोटी
राज्यातील काँग्रेस नेते ६१-वर्षीय विजय वडेट्टीवार आणि त्यांची पत्नी किरण यांची एकूण मालमत्ता साधारण ९७ कोटी रुपये आहे. यात किरण वडेट्टीवार यांचीच संपत्ती ७५ कोटी रुपये असल्याचे विजय वडेट्टीवार यांच्या निवडणूक प्रतिज्ञापत्रात नमूद करण्यात आले आहे.
(हेही वाचा – Bhandup मधील शिवसेना उबाठाच्या भोंग्याचे ध्वनिप्रदूषण Congress ने केले कमी!)
२५ लाखांचे सोने-चांदी
विजय वडेट्टीवार यांच्या हातात रोख रक्कम १८ लाख २० हजार रुपये असून ५४ लाख मुदत ठेवी, १.५५ कोटीचे शेअर्स, ३६ लाख रुपये किमतीच्या गाड्या आणि २५ लाखांचे सोने-चांदी दागिने असल्याचे प्रतिज्ञापत्रात म्हटले आहे. अशाप्रकारे विजय वडेट्टीवार यांच्याकडे १३.४८ कोटी रुपये जंगम मालमत्ता असून रु ८ कोटीची स्थावर मालमत्ता आहे. तर त्यांची पत्नी किरण यांच्या नावावर ४४ कोटी रुपये किमतीची जंगम मालमत्ता असून ३१ कोटीहून अधिक किमतीची स्थावर मालमत्ता आहे.
राहुल गांधी गरीब
लोकसभा विरोधी पक्ष नेते राहुल गांधी (Rahul Gandhi) हे विजय वडेट्टीवार यांच्यापेक्षा गरीब आहेत. गांधी यांची एकूण जंगम आणि स्थावर मालमत्ता साधारण २० कोटी रुपये आहे. यात ९ कोटी रुपये जंगम आणि ११ कोटी स्थावर मालमत्ता आहे. राहुल गांधी यांनी रायबरेली लोकसभा मतदारसंघातून मे २०२४ मध्ये उमेदवारी अर्ज भरला त्यावेळी ही मालमत्तेची माहिती देणारे प्रतिज्ञापत्र सादर केले.
(हेही वाचा – Nawab Malik यांच्या विरोधात किरीट सोमैयांनी थोपटले दंड )
प्रियंका पती-पत्नीही मागे
वरील दोन्ही प्रतिज्ञा पत्रातील आकडेवारी पाहता विजय वडेट्टीवार हे राहुल गांधी (Rahul Gandhi) यांच्यापेक्षा जवळपास पाच पट श्रीमंत असल्याचे सिद्ध होते. वडेट्टीवार यांच्याइतकी संपत्ती तर राहुल यांची बहीण आणि वायनाड लोकसभा मतदारसंघाच्या पोट निवडणुकीतील काँग्रेस उमेदवार प्रियंका गांधी यांच्याकडेही नाही. प्रियंका यांच्या नावावर साधारण १२ कोटी रुपये किमतीची मालमत्ता असून त्यात ४.२४ कोटी रुपये जंगम आणि ७.७४ कोटी रुपये स्थावर मालमत्ता आहे. तर प्रियंका आणि त्यांचे पती रॉबर्ट वाड्रा यांची एकत्रित संपत्ती ७७.५५ कोटी रुपये, म्हणजेच वडेट्टीवार यांच्यापेक्षा कमीच आहे.
हेही पहा –
Join Our WhatsApp Community