Uttarakhand : बस दरीत कोसळून 38 जणांचा मृत्यू

उत्तराखंडच्या अल्मोडा येथे झालेल्या भीषण अपघातात बस दरीत कोसळून 38 जणांचा मृत्यू झाल्याची दुर्दैवी घटना घडली.
मार्चुलाजवळ झालेल्या या अपघातानंतर एसडीआरएफ आणि एनडीआरएफची टीम मदतकार्यासाठी घटनास्थळी पोहचली आहे. दरम्यान या अपघातात अनेक जण जखमी असून मृतांचा आकडा वाढण्याची भीती व्यक्त केली जातेय. (Uttarakhand)

(हेही वाचा- Maharashtra Assembly Election 2024: काँग्रेसची डोकेदुखी वाढली; बंडखोर उमेदवार नॉट रिचेबल)

यासंदर्भातील माहितीनुसार, नयनी दांडा येथून रामनगरकडे जाणारी बस आज, सोमवारी सकाळी खड्ड्यात पडली. गीत जागीर नदीच्या काठावर बस कोसळून 38 जणांचा मृत्यू झाला. तर अनेक जण जखमी झाले आहेत. मुख्यमंत्री पुष्कर सिंह धामी यांनी पौडी आणि अल्मोडा या संबंधित क्षेत्रांतील एआरटीओ अंमलबजावणी निलंबित करण्याचे निर्देश दिले. मृतांच्या कुटुंबीयांना प्रत्येकी 4 लाख रुपये आणि जखमींना प्रत्येकी 1 लाख रुपये देण्याचे निर्देश मुख्यमंत्र्यांनी दिले आहेत. कुमाऊं विभागाच्या आयुक्तांना या घटनेची दंडाधिकारी चौकशी करण्याचे निर्देश देण्यात आले आहेत. आपत्ती व्यवस्थापन अधिकारी अल्मोडा विनीत पाल यांनी सांगितले की, 38 प्रवाशांचा मृत्यू झाला आहे. मृतांचा आकडा वाढू शकतो. (Uttarakhand)

अपघातग्रस्त बस 40 आसनी होती. बसमध्ये 55 हून अधिक प्रवासी होते. अपघातानंतर काही प्रवासी स्वतः बसमधून बाहेर आले. काही लोक बिथरून खाली पडले. फक्त जखमी लोकांनी इतरांना माहिती दिली. घटनास्थळी मदत आणि बचाव कार्य सुरू आहे. जखमींना रुग्णालयात नेण्याचे काम सुरू आहे. एसडीआरएफसोबतच एनडीआरएफचे पथकही घटनास्थळी पोहोचले असून मदतकार्य सुरू करण्यात आले आहे. गरज भासल्यास गंभीर जखमी प्रवाशांना एअरलिफ्ट करण्याच्या सूचनाही देण्यात आल्या आहेत. (Uttarakhand)

हेही पहा-