अमेरिकेत राष्ट्राध्यक्ष निवडणुकीची धामधूम सुरु आहे. यंदा पुन्हा डोनाल्ड ट्रम्प हे राष्ट्राध्यक्ष पदाच्या निवडणुकीसाठी (US Presidential Election 2024) उभे राहिले असून त्यांच्या विरोधात कमला हॅरिस निवडणूक लढवत आहेत. सध्या दोघांमध्ये अटीतटीचा सामना सुरु आहे. अमेरिकेचे माजी राष्ट्राध्यक्ष डोनाल्ड ट्रम्प हे सर्व सातही स्विंग राज्यांमध्ये (नॉर्थ कॅरोलिना, जॉर्जिया, एरिझोना, नेवाडा, पेनसिल्व्हेनिया, विस्कॉन्सिन आणि मिशिगन) डेमोक्रॅटिक पक्षाच्या उमेदवार आणि विद्यमान उपराष्ट्रपती कमला हॅरिस यांच्यापेक्षा अतिशय कमी फरकाने पुढे आहेत, असे मतदानाच्या ताज्या आकडेवारीवरून सूचित होते.
कुठे किती टक्के मत?
- ॲरिझोनामध्ये ट्रम्प यांना 52.3 टक्के तर हॅरिस यांना 45.8 टक्के
- नेवाडामध्ये 51.2 टक्के विरुद्ध 46 टक्के
- नॉर्थ कॅरोलिनामध्ये 50.5 टक्के विरुद्ध 47.1 टक्के
- जॉर्जियामध्ये 51 टक्के विरुद्ध 47.6 टक्के
- मिशिगनमध्ये 49.7 टक्के विरुद्ध 48.2 टक्के
- पेनसिल्व्हेनियामध्ये 49.6 टक्के विरुद्ध 47.8 टक्के
- विस्कॉन्सिनमध्ये 49.7 टक्के विरुद्ध 48.6 टक्के
एकंदरीत, ट्रम्प 49 टक्के मते मिळवून आघाडी आहेत, तर हॅरिस 47.2 टक्क्यांनी पिछाडीवर आहेत. ॲटलासइंटेलचे म्हणणे आहे की अनेक स्विंग राज्ये मतदानाच्या दोन-गुणांच्या त्रुटीच्या मर्यादेत आहेत. एजन्सीने असेही म्हटले आहे की 2020 च्या निवडणुकीदरम्यान त्याचे मतदानविषयक अंदाज सर्वात अचूक होते, जेव्हा त्याने प्रत्येक स्विंग राज्यातील निकालाचा यशस्वी अंदाज वर्तवला होता. परंतु एका नवीन सर्वेक्षणानुसार, कमला हॅरिस यांनी आयोवामध्ये ट्रम्प यांना मागे टाकले आहे, या राज्याने 2016 आणि 2020 मध्ये रिपब्लिकनला मतदान केले होते. या बदलाचे श्रेय महिला आणि वृद्ध मतदारांना दिले गेले आहे. हॅरिस 47 ते 44 टक्क्यांनी पुढे होत्या. परंतु ट्रम्प यांच्या प्रचार मोहिमेने एक सर्वेक्षण देखील प्रसिद्ध केले ज्यात रिपब्लिकन उमेदवाराने 10 गुणांची आघाडी घेतल्याचे दिसून आले. सात स्विंग राज्यांमध्ये 93 इलेक्टोरल कॉलेज व्होट्स आहेत. पेनसिल्व्हेनियामध्ये सर्वाधिक 19, त्यानंतर जॉर्जिया आणि नॉर्थ कॅरोलिनामध्ये प्रत्येकी 16 आणि मिशिगनमध्ये 15 आहेत. (US Presidential Election 2024)