उत्तर प्रदेशातील आगरा येथे सोमवारी, 4 नोव्हेंबर 2024 रोजी एक मोठी दुर्घटना घडली. हवाई दलाच्या विमानाने आकाशातच पेट घेतला. ही आग वाढल्यानंतर विमान (Plane Crash) एका शेतात कोसळले. अपघातावेळी विमानातील पायलट आणि आणखी एका व्यक्तीने उड्या मारून आपला जीव वाचवला. विमान जमीनवर कोसळताच आग आणखी भडकली. ही दुर्घटना आगरा येथील कागारौल भागातील सोंगा गावाजवळ घडली.
या घटनेची माहिती मिळताच प्रशासन आणि सुरक्षा यंत्रणांचे अधिकारी घटनास्थळी दाखल झाले आहेत. स्थानिक पोलीसह घटनास्थळी पोहोचत आहेत. विमान शेतात कोसळताना (Plane Crash) पाहून गावातील लोकही तेथे पोहोचले. या दुर्घटनेनंतर, तातडीने चौकशीचे आदेश देण्यात आले आहेत. तसेच, दुर्घटनेच्या सखोल चौकशीसाठी संबंधित सर्व संस्थांना सतर्क करण्यात आले आहेत. हे मिग-29 विमान होते. याने पंजाबमधील अदमपुर येथून उड्डाण घेतले होते. विमान रूटीन एक्सरसाइजसाठी आगरा येथे जात होते. दुर्घटनेचे कारण अद्याप स्पष्ट झालेले नाही.
Join Our WhatsApp Community