आरबीआयचे गव्हर्नर शक्तीकांत दास (RBI Governor Shaktikanta Das) यांचा एक डीपफेक व्हिडीओ (Deepfake Video) तयार करण्यात आल्याची माहिती समोर आली आहे. एवढंच नाही तर यामधून गुंतवणुकीचा सल्ला देण्यात आला असून यासंदर्भातील व्हिडीओ सोशल मीडियावर व्हायरल आहे. मात्र, यानंतर आरबीआयकडून एक निवेदन जारी करण्यात आलं असून अशा खोट्या व्हिडीओच्या विरोधात आरबीआयने जनतेला सावधानतेचा इशारा दिला आहे. (Deepfake Video)
आरबीआयने काय म्हटलं ?
आरबीआयने (RBI) म्हटलं की, ही माहिती रिझर्व्ह बँक ऑफ इंडियाच्या निदर्शनास आली आहे की, गव्हर्नर शक्तीकांत दास (Shaktikanta Das) यांचा एक बनावट व्हिडीओ सोशल मीडियावर व्हायरल होत आहे. या व्हिडीओमध्ये आरबीआय गव्हर्नर काही गुंतवणूक योजना सुरू करताना किंवा समर्थन करताना दाखवण्यात आलं आहे. मात्र, रिझर्व्ह बँक ऑफ इंडिया अशा प्रकारे आर्थिक गुंतवणुकीचा सल्ला देत नाही, असं आरबीआयकडून सांगण्यात आलं आहे. (Deepfake Video)
डीपफेक व्हिडीओपासून नागरिकांनी सावध राहावं…
आरबीआयचे अधिकारी अशा कोणत्याही प्रकाराला समर्थन देत नाही. हे व्हिडीओ बनावट असून आम्ही अशा कोणत्याही आर्थिक गुंतवणुकीचा सल्ला देत नाहीत. अशा परिस्थितीत सोशल मीडियावर व्हायरल झालेल्या डीपफेक व्हिडीओपासून नागरिकांनी सावध राहावं, असं आवाहन आरबीआयकडून करण्यात आलं आहे. (Deepfake Video)
हेही पहा-
Join Our WhatsApp Community