पंतप्रधान नरेंद्र मोदी (PM Narendra Modi) यांना जागतिक शांतता पुरस्कार (World Peace Award) देण्याची घोषणा करण्यात आली आहे. हा पुरस्कार त्यांना अमेरिकेत प्रदान करण्यात येणार आहे. इंडियन अमेरिकन मायनॉरिटीज असोसिएशन (AIAM) ने स्लिगो सेव्हन्थ डे ॲडव्हेंटिस्ट चर्च ऑफ मेरीलँडने ही घोषणा केली आहे. ती एक NGO आहे. हे पाऊल उचलण्याचा उद्देश अमेरिकेतील भारतीय अल्पसंख्याक समुदायातील लोकांना एकत्र करून त्यांच्या कल्याणासाठी प्रोत्साहन देणे हा आहे. जागतिक शांतता आणि समाजाला एकत्र आणण्यासाठी केलेल्या प्रयत्नांसाठी पंतप्रधान मोदींना हा पुरस्कार देण्यात येणार आहे.
या कार्यक्रमादरम्यान, अल्पसंख्याकांच्या उत्थानासाठी पंतप्रधान मोदींना वॉशिंग्टनमध्ये मार्टिन ल्यूथर किंग जूनियर ग्लोबल पीस (PM Modi World Peace Award) अवॉर्डने सन्मानित केले जाईल. हा पुरस्कार वॉशिंग्टन ॲडव्हेंटिस्ट युनिव्हर्सिटी (Washington Adventist University) आणि एआयएएम यांच्या संयुक्त विद्यमाने दिला जाणार आहे. ज्याचा उद्देश अल्पसंख्याकांच्या सर्वसमावेशक विकासासह त्यांचे कल्याण आहे. प्रसिद्ध समाजसेवी जसदीप सिंग यांची AIM चे संस्थापक आणि अध्यक्ष म्हणून नियुक्ती करण्यात आली आहे. अल्पसंख्याक समाजाला प्रोत्साहन देण्यासाठी 7 सदस्यीय संचालक मंडळ देखील आहे. त्यात बलजिंदर सिंग, डॉ. सुखपाल धनोआ (शीख), पवन बेझवाडा आणि एलिशा पुलिवर्ती (ख्रिश्चन), दीपक ठक्कर (हिंदू), जुनैद काझी (मुस्लिम) आणि भारतीय विणकर निस्सीम रिवबेन शॉल यांचा समावेश आहे.
(हेही वाचा – हिंदुत्व सोडून संजय राऊत यांच्या नादी लागणे केवढ्याला पडले; Chitra Wagh यांचा उद्धव ठाकरेंना सवाल)
नरेंद्र मोदींच्या विकसित भारत दौऱ्यामुळे ही संस्था प्रभावित
पंतप्रधान मोदींच्या (PM Narendra Modi) नेतृत्वाखाली 2047 पर्यंत विकसित भारत बनवण्याच्या संकल्पांवर या संघटनेचा प्रभाव आहे. जसदीप सिंह म्हणाले की, पंतप्रधान मोदींच्या नेतृत्वाखाली भारत सर्व प्रकारचा समावेशक विकास करत आहे. यामध्ये सर्व धर्माच्या लोकांना समान संधी मिळत आहे. दरम्यान, भारतीय अल्पसंख्याक महासंघाचे निमंत्रक आणि खासदार सतनाम सिंह संधू यांनी पंतप्रधान मोदींच्या पारदर्शकतेचे कौतुक केले आहे. ते म्हणाले की, सबका साथ, सबका विकास आणि सबका विश्वास या भावनेने समाजातील एकता वाढवण्याचे काम केले आहे.
हेही पाहा –
Join Our WhatsApp Community