- ऋजुता लुकतुके
भारताच्या युवा हॉकी संघाने सलग तिसऱ्यांदा आशियाई ज्युनिअर हॉकी स्पर्धेचं विजेतेपद पटकावताना पाकिस्तानचा ५-३ ने पराभव केला. मस्कत इथं झालेल्या अंतिम फेरीत भारतातचं वर्चस्व होतं. २००४ पासून भारतीय ज्युनिअर संघाने मिळवलेलं हे पाचवं विजेतेपद आहे. यापूर्वी २००४, २००८, २०१५ आणि २०२३ मध्ये हे विजेतेपद पटकावलं होतं. २०२१ साली कोव्हिडच्या साथीमुळे स्पर्धा रद्द करावी लागली होती.
अंतिम सामन्यात अरिजीत सिंग हुदालचे ४ गोल निर्णायक ठरले. यातील ३ त्याने पेनल्टी कॉर्नरवर केले. तर उर्वरित एक मैदानी गोल होता. संघासाठी पाचवा गोल दिलराज सिंगने केला. तर पाकिस्तानकडून सुफयान खान आणि हन्नान शहीद यांनी मिळून तीन गोल केले. या विजयाबरोबरच युवा संघाने २०२५ च्या युवा विश्वचषकातील आपलं स्थान पक्कं केलं आहे. (Ind vs Pak, Asia Cup Junior Hockey)
(हेही वाचा – Border Gavaskar Trophy, Adelaide Test : ॲडलेडची दिवस – रात्र कसोटीच या मालिकेचं भवितव्य ठरवेल?)
Champions Once More 🇮🇳🔥
Team India lifts the Men’s Junior Asia Cup 2024 trophy with an epic 5-3 triumph over Pakistan! 🎉💪 The defending champions have showcased their dominance, skill, and resilience, proving yet again why they reign supreme in Asia.
Another sensational… pic.twitter.com/hD45vqqWXT
— Hockey India (@TheHockeyIndia) December 4, 2024
भारतीय संघाने बलाढ्य मलेशियाचा २-१ ने पराभव करत अंतिम फेरी गाठली होती. स्पर्धेत भारत विजेता तर पाकिस्तानचा संघ उपविजेता ठरला आहे. तिसऱ्या क्रमांकासाठी झालेल्या लढतीत जपाने मलेशियाचा २-१ ने पराभव केला. भारत, पाकिस्तान सामन्यात खरंतर पाकिस्तानने तिसऱ्याच मिनिटाला मैदानी गोल करत आघाडी मिळवली होती. पण, भारतीय खेळाडू गडबडले नाहीत आणि त्यांनी आक्रमण करत पेनल्टी कॉर्नर मिळवला. त्यावर अरिजीत सिंगने भारताचा पहिला गोल केला. तिथून पुढे मग भारताकडेच आघाडी राहिली. (Ind vs Pak, Asia Cup Junior Hockey)
(हेही वाचा – Maharashtra Oath Ceremony: ११ डिसेंबरला उर्वरित मंत्र्याचा शपथविधी होणार, अजित पवारांची माहिती)
The Reign Continues 🏆🇮🇳
Team India are the Men’s Junior Asia Cup 2024 Champions, defending their title in style with a thrilling 5-3 victory over Pakistan! 🔥✨
From hard work to heroics, our young stars have once again shown the world why India is a powerhouse in hockey!… pic.twitter.com/bdvfRL090B
— Hockey India (@TheHockeyIndia) December 4, 2024
अरिजीतनेच भारताचा दुसरा गोल अठराव्या मिनिटाला केला आणि भारताकडे २-१ अशी आघाडी आली. आणखी एकाच मिनिटांत दिलराज सिंगने संघाचा तिसरा गोल केला आणि भारताकडे ३-१ अशी आघाडी आली. पाकिस्तानने ३० व्या मिनिटाला ही आघाडी २-३ अशी थोडी कमी केली. मध्यंतराला हीच स्थिती राहिली. पण, पाकिस्तान संघावरील दडपण वाढत होतं. (Ind vs Pak, Asia Cup Junior Hockey)
(हेही वाचा – CM Devendra Fadnavis : मुंबईत घर नाही, एकही कार नावावर नाही असा मुख्यमंत्री.. किती आहे संपत्ती ?)
India Men’s Team is Qualified for Fih Junior World cup 2025 in India .#asiahockey pic.twitter.com/xjDpzpJ6EH
— Asian Hockey Federation (@asia_hockey) December 4, 2024
मध्यंतराला खेळ सुरू झाला तेव्हा पाकिस्ताने निकराचा प्रयत्न करत ३-३ अशी बरोबरी मिळवली होती. पण, ४७ व्या मिनिटाला अरिजीतने पेनल्टी कॉर्नरवर आणखी एक गोल करत भारताचं वर्चस्व पुन्हा एकदा प्रस्थापित केलं. सामन्याची शेवटची १० मिनिटं तर भारतानेच चेंडू खेळवत ठेवला होता आणि पाकिस्तानवरील दडपण त्यांनी जराही कमी होऊ दिलं नाही. उलट अरिजीतने आणखी एक गोल करत भारताला ५-३ असा विजय मिळवून दिला. (Ind vs Pak, Asia Cup Junior Hockey)
हेही पहा –
Join Our WhatsApp Community