Crime News : ट्रॉम्बे येथून खलिस्तानी दहशतवादी जतिंदर सिंग उर्फ ज्योतीला अटक

• प्रतिनिधी 

मुंबईतील ट्रॉम्बे येथील भाभा अणुशक्ती केंद्र येथून खलिस्तानी दहशतवादी जतिंदर सिंग उर्फ ज्योती याला सोमवारी राष्ट्रीय तपास संस्था (एनआयए)ने अटक केली आहे. जतिंदर सिंग उर्फ ज्योती हा खलिस्तानी दहशतवादी लखबीर सिंग उर्फ लांडा आणि गँगस्टर बचितर सिंग उर्फ पवित्र बटाला याच्या प्रमुख साथीदार आहे. जतिंदर सिंग उर्फ ज्योती हा मागील ४ महिन्यापासून मुंबईत जेसीबी चालकाचे काम करीत होता अशी माहिती एनआयएच्या सूत्रांनी दिली. (Crime News)

पूर्व उपनगरातील ट्रॉम्बे परिसरात लपून जेसीबीवर चालक म्हणून काम करत असल्याची माहिती एनआयएला मिळाली होती. एनआयएने त्याची ओळख पटवून त्याला सोमवारी ट्रॉम्बे येथील भाभा अणुशक्ती केंद्र येथून अटक केली आहे. सिंग हा मूळचा पंजाबमधील गुरुदासपूर जिल्ह्याचा रहिवासी आहे, जुलै २०२४ मध्ये शस्त्रास्त्र पुरवठादार बलजीत सिंग उर्फ ​​राणाभाई याच्या अटके पासून फरार होता. एनआयएने केलेल्या तांत्रिक तपासाच्या आधारे त्याला अटक करण्यात आली. एनआयएच्या अधिकाऱ्याने सांगितले की, सिंग पंजाबमधील लांडा आणि बटाला येथील ऑन-ग्राउंड ऑपरेटर्सना शस्त्रे पुरवत होता. (Crime News)

(हेही वाचा – निळ्या रंगाचा टी-शर्ट घातल्याने कुणी आंबेडकरवादी होत नाही; नारायण राणेंचा Rahul Gandhi यांच्यावर हल्लाबोल)

सिंग पूर्वी मध्य प्रदेशातील इंदूरमध्ये राहत होता जिथे तो जेसीबीवर ड्रायव्हर म्हणून काम करत होता आणि मध्य प्रदेश स्थित पुरवठादार बलजीत सिंग उर्फ ​​राणा भाई यांच्याकडून शस्त्रे घेत असे त्याच्यावर या प्रकरणात आरोपपत्र दाखल करण्यात आले आहे. तपासादरम्यान असे आढळून आले की सिंग यांनी मध्य प्रदेशातून दहा पिस्तुले आणली होती आणि ती पंजाबमधील लांडा आणि बटाला यांच्या साथीदारांना दिली होती. मध्यप्रदेशातून पंजाबमध्ये आणखी शस्त्रास्त्रांची तस्करी करण्याची त्याची योजना होती परंतु एनआयएने गेल्या अनेक महिन्यांपासून शोध मोहीम सुरू केल्याने ही योजना उधळून लावली होती. (Crime News)

शस्त्रास्त्रे, दारूगोळा, स्फोटके इत्यादींची तस्करी रोखून दहशतवादी-गँगस्टरचे संबध आणि भारतात दहशतवादी कारवाया करण्यासाठी निधी उभारण्यासाठी एक मोठा सहभाग आहे, असे एनआयए नमूद केले आहे. एनआयए जतिंदरची ओळख बंदी घातलेली दहशतवादी संघटना, बब्बर खालसा इंटरनॅशनल (BKI) च्या परदेशी स्थित लांडा यांनी बनवलेल्या दहशतवादी टोळीचा सदस्य आणि लांडाचा जवळचा सहकारी बटालाचा एक सहकारी म्हणून ओळखली आहे. (Crime News)

हेही पहा –