ठाण्यातील हायपर सिटी मॉलमध्ये मंगळवारी सकाळी ०७:५० च्या दरम्यान भीषण (Thane Hypercity Fire) आग लागली. या घटनेची माहिती मिळताच अग्निशमन दलाच्या (fire brigade) गाड्यांनी घटनास्थळी धाव घेत आग आटोक्यात आणली. (Hyper City Mall)
ठाणे जिल्ह्यातील घोडबंदर रोड (Ghodbunder Road) परिसरातील हायपरसिटी मॉलच्या पुमा ब्रँड आउटलेटला सकाळी ०७:५० वाजता दुसऱ्या मजल्यावर आग लागल्याची माहिती ठाणे महापालिकेच्या आपत्ती विभागाला मिळाली. सुदैवाने सकाळी मॉलमध्ये कोणीच नसल्याने मोठी दुर्घटना टळली.
आगीची माहिती मिळताच अग्निशमन दलासह एक पिकअप फायर ट्रक, अग्निशमन अधिकारी आणि ठाणे महापालिकेच्या अधिकाऱ्यांसह बचाव वाहन घटनास्थळी दाखल झाले. हायपरसिटी मॉलला लागलेल्या आगीचे कारण अद्याप समजू शकले नसले तरी घटनास्थळी आग आटोक्यात आणण्यासाठी ठाणे महापालिका (Thane Municipality) सर्वतोपरी प्रयत्न करत आहे.
बॉम्बे डक हॉटेलला आग
या महिन्याच्या सुरुवातीला, ठाण्यातील उपवन तलावाजवळील (Upvan Lake) बॉम्बे डक हॉटेलला (Bombay duck hotel fire) सोमवारी सकाळी मोठी आग लागली, असे नागरी अधिकाऱ्यांनी सांगितले. सुदैवाने कोणतीही मानवी इजा झाली नाही. त्यानंतरही आग भल्या पहाटे लागली. आपत्ती व्यवस्थापन पथकासह स्थानिक अग्निशमन दलाने आग विझवण्यासाठी शर्तीचे प्रयत्न केले. दरम्यान तासाभरात ही आग आटोक्यात आणण्यात आली आणि सकाळी ७:४५ पर्यंत पूर्णपणे विझवण्यात आली.
(हेही वाचा – सर्पदंशाने वर्षभरात ५८ हजार मृत्यू; उपाय करण्याचे Supreme Court चे केंद्राला निर्देश)