मुंबई उच्च न्यायालयाने बुधवार, २९ जानेवारीला कॉम्रेड गोविंद पानसरे हत्याप्रकरणी (Govind Pansare Murder Case) अटकेत असलेल्या ६ जणांना जामीन दिला. या निर्णयाचे समस्त हिंदुत्वनिष्ठ संघटना मनापासून स्वागत करत आहेत. ‘हिंदु दहशतवादा’ची थियरी सिद्ध करण्यासाठी पद्धतशीरपणे ‘फेक नॅरेटिव्ह’ निर्माण केला गेला आणि पुरोगाम्यांच्या हत्यांच्या प्रकरणांमध्ये हिंदुत्वनिष्ठ कार्यकर्त्यांना अडकवण्यात आले. पानसरे कुटुंबीय, तसेच अन्य तथाकथित पुरोगाम्यांनी या प्रकरणी हिंदुत्ववादी कार्यकर्त्यांना जामीन मिळू नये, यासाठी खूप आटापिटा केला होता. म्हणून पुरोगाम्यांचा दबाव दूर करण्यासाठी पानसरे खटला कोल्हापूर जिल्ह्याबाहेर चालवा, अशी मागणी सनातन संस्थेचे प्रवक्ते अभय वर्तक यांनी केली.
सातत्याने माध्यमांसमोर दिशाभूल करणारी भूमिका मांडून न्यायालय आणि पोलीस यांच्यावर दबाव टाकण्याचा प्रयत्न करत होते. हा खटला लांबवण्याचा प्रयत्न करत होते. या खटल्यात कोल्हापूरमध्ये पानसरे कुटुंबीय आणि पुरोगामी वापरत असलेले दबावतंत्र लक्षात घेता हा खटला यापुढेही कोल्हापूर येथे चालवला गेला, तर न्याय मिळण्यात अडचण निर्माण केली जाईल, असे आम्हाला वाटते. त्यामुळे आम्ही समस्त हिंदुत्ववादी संघटनांच्या वतीने न्यायालयाकडे विनंती करत आहोत की, पानसरे हत्या प्रकरणाचा खटला कोल्हापुरात न चालवता त्रयस्थ ठिकाणी चालवावा, अशी भूमिका वर्तक यांनी मांडली. (Govind Pansare Murder Case)
(हेही वाचा तपासात दिरंगाई होत असल्याचे कारण देत Bombay High Court ने पानसरे हत्याकांडातील सहा आरोपींना दिला जामीन )
पाकिस्तानातून आलेल्या आतंकवादी अजमल कसाबला आतंकवादाच्या घटनेत वकील दिला जातो; मात्र गरीब घरातील या हिंदू मुलांना वकील मिळू न देता तुरुंगात सडवण्याचा प्रयत्न हे पुरोगामी करत होते. एकीकडे न्याय मिळावा, असा टाहो फोडणारे पानसरे कुटुंबीय ‘हा खटलाच चालवू नये’, यासाठी मुंबई उच्च न्यायालयात जाऊन याचिका करून खटला लांबवत होते. पण आज या सर्व हिंदुत्वनिष्ठांना तब्बल सहा वर्षांनी जामीन मिळाला, याबद्दल आम्ही ईश्वरचरणी कृतज्ञता व्यक्त करतो, असेही वर्तक म्हणाले. (Govind Pansare Murder Case)
Join Our WhatsApp Community