स्वातंत्र्यवीर सावरकर राष्ट्रीय स्मारकातील तायक्वांदो प्रशिक्षक Rajesh Khillare यांच्यावर हल्ला करणाऱ्या त्रिकुटाला २४ तासांत अटक

• प्रतिनिधी 

स्वातंत्र्यवीर सावरकर राष्ट्रीय स्मारकातील तायक्वांदो प्रशिक्षकांवर जीवघेणा हल्ला करणाऱ्या त्रिकुटाला शिवाजी पार्क पोलिसांनी २४ तासांत अटक केली आहे. हल्ल्याचे कारण अद्याप स्पष्ट झालेले नसून तिघांना शुक्रवारी दुपारी भोईवाडा न्यायालयात हजर करण्यात येणार असल्याची माहिती शिवाजी पार्क पोलिसांनी दिली आहे. स्वातंत्र्यवीर सावरकर राष्ट्रीय स्मारकातील सावरकर क्रीडा प्रबोधिनीचे तायक्वांदोचे प्रशिक्षण वर्ग चालवणारे आंतरराष्ट्रीय कीर्तीचे प्रशिक्षक राजेश खिल्लारे (Rajesh Khillare) यांच्यावर बुधवार, २९ जानेवारीला स्मारकाच्या प्रवेशद्वाराबाहेर ३ अनोळखी व्यक्तींकडून हल्ला करण्यात आला होता.

या हल्ल्यात राजेश खिल्लारे (Rajesh Khillare) यांच्या डोक्याला काही खोल जखमा झाल्या आहेत. त्यांना तात्काळ हिंदुजा रुग्णालयात दाखल करण्यात आले. शिवाजी पार्क पोलीस ठाण्याच्या पोलिसांनी दिलेल्या माहितीनुसार, नेहमीप्रमाणे राजेश खिल्लारे (Rajesh Khillare) हे स्मारकातील तायक्वांदो प्रशिक्षणाचा वर्ग आटोपून बुधवारी संध्याकाळी घरी परतण्यासाठी निघत होते. त्याआधी त्यांच्या वर्गातील दोन विद्यार्थी स्मारकातून बाहेर पडताच स्मारकाच्या प्रवेशद्वाराकडे तीन अज्ञात व्यक्तींनी त्या विद्यार्थ्यांशी हुज्जत घालायला सुरुवात केली. तिथे राजेश खिल्लारे (Rajesh Khillare) आले. या अनोळखी व्यक्तींनी खिल्लारे यांच्यासोबतही वाद घालायला सुरुवात केली.

(हेही वाचा – Donald Trump यांची ब्रिक्स देशांना धमकी ; ब्रिक्स चलनापासून अमेरिकेला काय आहे धोका ?)

त्या वेळी त्यांच्यात किरकोळ बाचाबाची झाली, तेव्हा या तीन व्यक्तींपैकी एकाने खिल्लारे (Rajesh Khillare) यांच्यावर चाकूने हल्ला करण्याचा प्रयत्न केला. खिल्लारे त्याचा हल्ला परतवून लावत असताना दुसऱ्या व्यक्तीने खिल्लारे यांच्या डोक्यात जड वस्तूने प्रहार करून पळ काढला. या हल्ल्यात खिल्लारे (Rajesh Khillare) यांच्या डोक्याला गंभीर जखमी झाले. त्यांना रक्तबंबाळ अवस्थेत तात्काळ हिंदुजा रुग्णालयात दाखल करण्यात आले. या प्रकरणी शिवाजी पार्क पोलिसांनी तीन अनोळखी व्यक्तींविरुद्ध गुन्हा दाखल केला होता. शिवाजी पार्क पोलीस ठाण्याचे वरिष्ठ पोलीस निरीक्षक विलास दातीर यांच्या मार्गदर्शनाखाली पोलीस निरीक्षक सरनौबत, पोलीस उपनिरीक्षक आकाश जाधव यांच्या पथकाने परिसरातील सीसीटीव्ही फुटेजच्या आधारे हल्लेखोरांची ओळख पटवून सायन कोळीवाडा येथून २४ तासांत तिन्ही हल्लेखोरांना अटक केली आहे.

तिन्ही हल्लेखोरांपैकी एक जण हॉटेलमध्ये स्वयंपाकीचे काम करतो, दुसरा वादक आहे आणि तिसरा आरोपी फिटनेस ट्रेनर असल्याचे समजते. तिघांना अटक करून शुक्रवारी दुपारच्या सत्रात भाईवाडा न्यायालयात हजर करण्यात येणार असून त्यांची पोलीस कोठडी घेऊन त्यांच्याकडे चौकशी करण्यात येणार असल्याची माहिती वपोनि. विलास दातीर यांनी दिली आहे.

हेही पहा –