Shiv Sena : शिवसेना मंत्र्यांचे जनतेशी थेट संवादासाठी विशेष उपक्रम

• प्रतिनिधी

शिवसेना पक्षप्रमुख आणि उपमुख्यमंत्री एकनाथ शिंदे यांच्या नेतृत्वाखालील शिवसेना (Shiv Sena) मंत्रिमंडळाने गोरगरीब जनतेच्या आणि कार्यकर्त्यांच्या अडचणी जाणून घेण्यासाठी एक महत्त्वपूर्ण निर्णय घेतला आहे. बाळासाहेब ठाकरे यांच्या “८०% समाजकारण, २०% राजकारण” या तत्त्वावर चालत, शिवसेनेचे ११ मंत्री दर आठवड्यात तीन दिवस थेट जनतेशी संवाद साधणार आहेत.

ही बैठक मुंबईतील बाळासाहेब भवन, शिवसेना पक्ष मध्यवर्ती कार्यालयात सोमवार ते बुधवार दरम्यान पार पडणार असून, मंत्र्यांना भेटण्यासाठी नागरिक आणि कार्यकर्त्यांना अर्ज भरून वेळ निश्चित करावी लागणार आहे. ऑनलाईन अर्जासाठी गुगल फॉर्मची सुविधा देखील उपलब्ध करून देण्यात आली आहे.

शिवसेनेची जनतेपर्यंत पोहोचण्याची रणनीती?

हा निर्णय शिवसेनेच्या (Shiv Sena) जनसंपर्क धोरणाचा एक भाग असल्याचे मानले जात आहे. एकनाथ शिंदे यांच्या नेतृत्वाखालील सरकारने जनतेशी थेट संपर्क वाढवण्याचा प्रयत्न सुरू केला आहे. यामुळे पक्षाच्या गडांमध्ये गढूळ झालेला जनाधार पुन्हा मजबूत करण्याची रणनीती असल्याचे राजकीय विश्लेषकांचे मत आहे.

(हेही वाचा – पुणे-मुंबईतील आकाशात पहायला मिळाले International Space Station)

शिवसेनेच्या मंत्र्यांची वेळापत्रकानुसार उपस्थिती

मंत्र्यांची नागरिकांशी थेट बैठक तीन सत्रांमध्ये पार पडणार आहे. प्रत्येक दिवशी वेगवेगळ्या खात्यांचे मंत्री जनतेच्या अडचणी जाणून घेणार आहेत.

सोमवार :

• सकाळी ९.०० ते ११.०० : उद्योग आणि मराठी भाषा मंत्री उदय सामंत
• सकाळी ११.०० ते दुपारी २.०० : परिवहन मंत्री प्रताप सरनाईक
• सायंकाळी ४.०० ते ७.०० : शालेय शिक्षण मंत्री दादा भुसे

मंगळवार :

• सकाळी ९.०० ते ११.०० : गृहराज्य मंत्री योगेश कदम
• सकाळी ११.०० ते दुपारी २.०० : वित्त आणि कृषी मदत राज्यमंत्री आशिष जयस्वाल
• सायंकाळी ४.०० ते ७.०० : सामाजिक न्याय मंत्री संजय शिरसाट आणि मृद व जलसंधारण मंत्री संजय राठोड

बुधवार :

• सकाळी ९.०० ते ११.०० : पर्यटन मंत्री शंभूराज देसाई
• सकाळी ११.०० ते दुपारी २.०० : सार्वजनिक आरोग्य मंत्री प्रकाश आबिटकर
• सायंकाळी ४.०० ते ७.०० : पाणी पुरवठा मंत्री गुलाबराव पाटील आणि रोजगार हमी मंत्री भरत गोगावले

(हेही वाचा – CSMT स्थानकावर लवकरच १५० हायटेक बॅगेज, बॉडी स्कॅनर मशीन बसवणार)

राजकीय रणनीतीचा भाग?

शिवसेना (Shiv Sena) हा उपक्रम राबवत असताना, शिवसेना उबाठा आणि विरोधी पक्षांनी मात्र यावर टीका करण्याची शक्यता आहे. सध्याच्या राजकीय वातावरणात जनतेशी थेट संवाद साधण्याचा निर्णय शिवसेनेच्या लोकसंपर्क मोहिमेचा एक भाग असल्याचे राजकीय तज्ज्ञांचे मत आहे.

शिवसेना बाळासाहेब ठाकरे यांची शिकवण पुढे नेत आहे का, की हा सामान्य कार्यकर्त्यांना पक्षाशी जोडून ठेवण्याचा आणि आगामी निवडणुकांसाठी मैदान तयार करण्याचा प्रयत्न आहे, हे पाहणे महत्त्वाचे ठरणार आहे.

हेही पहा –