राज्यात विधानसभा निवडणुकीच्या मतदार यादीत फेरफार झाल्याचा आरोप काँग्रेस पक्षाचे खासदार राहुल गांधी (Rahul Gandhi) यांनी केला आहे. आता शिवसेना प्रमुख आणि उपमुख्यमंत्री एकनाथ शिंदे (Rahul Gandhi) यांनी राहुल गांधी यांनी केलेल्या आरोपांवर विधान केले आहे. राहुल गांधी, सुप्रिया सुळे (Supriya Sule) आणि संजय राऊत यांनी केलेल्या आरोपांवर मुख्यमंत्री एकनाथ शिंदे यांनी प्रत्युत्तर देत सांगितले की, विधानसभा निवडणुकीत विरोधी पक्षाला ४४० व्होल्टचा जोरदार झटका बसला आहे. हा झटका इतका मोठा होता की, हे लोक अजून त्यातून सावरू शकलेले नाहीत. म्हणूनच “जेव्हा जेव्हा ते निवडणुका हरतात तेव्हा ते ईव्हीएम, निवडणूक आयोग आणि न्यायालयाला दोष देतात.” असे विधान मुख्यमंत्री एकनाथ शिंदे यांनी केले. (Eknath Shinde)
(हेही वाचा – Municipal Bank : दि म्युनिसिपल को-ऑपरेटिव्ह बँकेला ‘बँको व अविज पब्लिकेशन’ चा प्रथम पुरस्कार)
पिक्चर अजून बाकी आहे
एकनाथ शिंदे म्हणाले की, ‘आता ते मतदार यादीबाबत आरोप करत आहेत. अरे भाऊ, आम्ही अडीच वर्षे काम केले आणि विकास घडवून आणला आहे. प्रिय बंधू-भगिनी आणि शेतकऱ्यांनीच आम्हाला मतदान करून विजयी केले आहे. ‘ऑपरेशन टायगर’बद्दल (Operation Tiger) एकनाथ शिंदे म्हणाले की, हा फक्त ट्रेलर दाखवण्यात आला आहे, पूर्ण पिक्चर अजून बाकी आहे. आम्ही ज्या क्षेत्रात काम करतो त्या क्षेत्रात लोक आमच्याशी जोडलेले असतात. आम्ही घरी बसून फेसबुक लाईव्ह करत नाही. शिवसेना उबाठा गटातील सर्व लोक माझ्या संपर्कात आहेत. सर्वजण कामासाठी माझ्याकडे येतात. इतर खासदार आणि आमदार शिवसेना पक्षात कधी सामील होतील याबद्दल उपमुख्यमंत्री शिंदे म्हणाले की, घाई नाही. सर्वकाही हळूहळू होईल. फक्त ट्रेलर दाखवला गेला आहे, पिक्चर अजून बाकी आहे.
(हेही वाचा – Gold Smuggling: मुंबई विमानतळावरील ४.१५ कोटींचे सोने जप्त; ४ परदेशी माहिला गजाआड )
देवेंद्र फडणवीस यांनी राहुल गांधींवर साधला निशाणा
यापूर्वी, महाराष्ट्राचे मुख्यमंत्री देवेंद्र फडणवीस (CM Devendra Fadnavis) यांनी राहुल गांधींच्या आरोपांना उत्तर देताना म्हटले होते की, दिल्ली निवडणुकीतील पराभव लक्षात घेता राहुल गांधी ‘कव्हर फायरिंग’ करत आहेत. दिल्ली निवडणुकीच्या निकालानंतर, त्यांच्या पक्षाचे अस्तित्व राष्ट्रीय राजधानीतून पुसले जाणार आहे. यासोबतच मुख्यमंत्री फडणवीस म्हणाले की, दिल्लीच्या निवडणूक निकालानंतर ८ फेब्रुवारी रोजी राहुल गांधी काय बोलतील? नवीन कथा कशी ठरवायची? ते सध्या त्याचा सराव करत आहे. राहुल गांधींच्या आरोपांवर देवेंद्र फडणवीस म्हणाले, ‘मतदार कुठून आले, कुठे आले आणि कोणाचे नाव वगळले ते पहा?’ या सर्व प्रश्नांची उत्तरे निवडणूक आयोगाने दिली आहेत. त्यामुळे याचे वेगळे उत्तर देण्याची गरज नाही. असे विधान मुख्यमंत्री देवेंद्र फडणवीस यांनी केले.
हेही पाहा –
Join Our WhatsApp Community