प्रयागराजमध्ये (Prayagraj) महाकुंभमेळा सुरू आहे. आतापर्यंत कोट्यवधी भाविकांनी अमृतस्नान केले आहे. (Mahakumbh 2025) भाविकांच्या संख्येचा जगातील सर्वांत मोठा विक्रम येथे रचला आहे. आता आणखी तीन नवीन विश्वविक्रम कुंभमेळ्यात होणार आहेत. यासाठी गिनीज बुक ऑफ वर्ल्ड रेकॉर्डची (Guinness Book of World Records) टीम प्रयागराज येथे दाखल झाली आहे.
(हेही वाचा – Manipur मध्ये CRPF जवानाने केली दोन सहकाऱ्यांची हत्या; स्वतःवरही झाडली गोळी, ८ जखमी)
पवित्र त्रिवेणीच्या काठावर शुक्रवारपासून सलग तीन दिवस दररोज जागतिक विक्रम केले जाणार आहेत. गर्दीमुळे नंतर विक्रमी ई-रिक्षा चालवली जाईल. महाकुंभमध्ये तीन विश्वविक्रमांच्या (World records) माध्यमातून जगाला स्वच्छता आणि पर्यावरण रक्षणाचा संदेश दिला जाणार आहे. नदीकाठ आणि पाण्याच्या प्रवाहात वेगवेगळ्या स्वच्छता मोहिमांची नोंद केली जाईल.
३०० कर्मचारी नदी स्वच्छ करणार
१४ फेब्रुवारी या दिवशी ३०० कर्मचारी एकाच वेळी गंगा नदीत प्रवेश करतील आणि ती स्वच्छ करतील. राम घाट, गंगेश्वर घाट आणि भारद्वाज घाट या ३ घाटांवर स्वच्छता (Ganga Cleaning) केली जाईल. या विश्वविक्रमासाठी ८५.५३ लाख रुपये खर्च अपेक्षित आहे.
१५ हजार कर्मचारी एकाच वेळी करणार स्वच्छता
१५ फेब्रुवारी या दिवशी स्वच्छतेचा जागतिक विक्रम रचला जाईल. गंगा आणि यमुनेच्या काठावर १५ हजार कर्मचारी एकाच वेळी १० किमी स्वच्छता मोहीम राबवतील. (Cleanliness banks of Yamuna) २०१९ च्या कुंभमेळ्यात, मेळा प्राधिकरणाने एकाच वेळी साफसफाईचा विक्रम प्रस्थापित केला होता. हा विश्वविक्रम करण्यासाठी २.१३ कोटी रुपये खर्च येणार आहे.
हॅन्ड प्रिंटिंगचा विक्रम
६ फेब्रुवारी रोजी कॅनव्हासवर हाताचे ठसे (Hand printing) छापण्याचा विक्रम केला जाईल. ८ तासांत १० हजार लोकांच्या हाताचे ठसे घेण्याचा जागतिक विक्रम घडणार आहे. ०५ प्रमुख ठिकाणी आणि गंगा पंडालवर कॅनव्हास बसवले जातील. सध्या मेळाव्याच्या अधिकाऱ्यांकडे ७,५०० लोकांच्या हाताचे ठसे घेण्याचा विक्रम आहे. हा विक्रम करण्यासाठी ९५.७६ लाख रुपये खर्च येणार आहे. (Mahakumbh 2025)
हेही पहा –
Join Our WhatsApp Community