सायबर गुन्हे प्रकरणात (Cyber crime cases) केंद्रीय अन्वेषण विभागाने (सीबीआय) (CBI Raid) मोठी कारवाई केली आहे. सीबीआयने दिल्ली-एनसीआर (Delhi-NCR) आणि हरियाणामधील (Haryana) ११ ठिकाणी छापे टाकले असून १.०८ कोटी रुपये रोख, १००० अमेरिकन डॉलर्सचे परकीय चलन आणि सोने जप्त करण्यात आले आहे. (CBI Raid)
हेही वाचा-Ladki Bahini Yojana : लाडकी बहीणींना फेब्रुवारीचा हफ्ता कधी मिळणार ? माहिती आली समोर
सायबर गुन्ह्यांशी संबंधित एका प्रकरणात सीबीआयने ही मोठी कारवाई केली. दिल्ली-एनसीआर आणि हरियाणातील हिसारमधील ११ ठिकाणी छापे टाकले. यावेळी सीबीआयने १.०८ कोटी रुपये रोख, १००० अमेरिकन डॉलर्सचे (American dollars) परकीय चलन आणि २५२ ग्रॅम सोने जप्त केले. याशिवाय, अनेक डिजिटल पुरावे देखील सापडले आहेत, ज्यामध्ये ६ लॅपटॉप, ८ मोबाईल फोन आणि १ आयपॅडचा समावेश आहे. (CBI Raid)
हेही वाचा-महाराष्ट्राचा तुरुंग तहव्वूर राणासाठी तयार : CM Devendra Fadnavis यांची माहिती
या कारवाईनंतर सीबीआयकडून भारतीय दंड संहितेच्या कलम १२० बी (कट रचणे), ४२० (फसवणूक) आणि माहिती तंत्रज्ञान कायद्याच्या (IT कायदा) कलम ६६ डी अंतर्गत गुन्हा दाखल करण्यात आला. दरम्यान, आरोपी सरकारी अधिकारी असल्याचे भासवून लोकांची फसवणूक करत होते. ते तांत्रिक सहाय्य (Technical Support) देण्याच्या नावाखाली लोकांची फसवणूक करत होते. तसेच, लोकांनी कष्टाने कमावलेले पैसे क्रिप्टोकरन्सीमध्ये रूपांतरित करून वेगवेगळ्या खात्यांमध्ये पाठवत होते, असे तपासात समोर आले आहे. (CBI Raid)
या प्रकरणात सीबीआयने आधीच तीन आरोपींविरुद्ध आरोपपत्र दाखल केले आहे. त्यांच्यावर खंडणीचाही आरोप आहे. छाप्यादरम्यान, सीबीआयला आढळून आले की, आरोपी बेकायदेशीरपणे व्हीओआयपी कॉलिंग सिस्टम वापरत होते आणि डार्कनेटद्वारे लोकांची फसवणूक करण्याचे आपले जाळे पसरवत होते. सीबीआय आता या प्रकरणाचा अधिक तपास करत आहे. आरोपींनी आतापर्यंत किती लोकांना फसवले आहे आणि त्यांनी किती पैसे लुटले आहेत याचाही तपास केला जात आहे. (CBI Raid)
हेही पहा-
Join Our WhatsApp Community