Shaktikanta Das: पंतप्रधान नरेंद्र मोदी यांच्या टीममध्ये मोठा बदल झाला आहे. भारतीय रिझर्व्ह बँकेचे माजी गव्हर्नर शक्तीकांत दास यांना पंतप्रधान नरेंद्र मोदी (PM Narendra Modi) यांचे प्रधान सचिव (Principal Secretary) करण्यात आले आहे. शक्तीकांत दास डिसेंबर महिन्यात गव्हर्नर म्हणून सहा वर्षे सेवा दिल्यानंतर निवृत्त झाले होते. निवृत्तीच्या काही महिन्यानंतर त्यांना मोठी जबाबदारी मिळाली आहे. सध्या पी.के. मिश्रा (P.K. Mishra) पंतप्रधान नरेंद्र मोदी यांचे प्रधान सचिव 1 आहेत. आता त्यानंतर शक्तीकांत दास प्रधान सचिव 2 च्या भूमिकेत दिसणार आहे. शक्तीकांत दास 1980 बँचचे आयएएस अधिकारी आहे. (Shaktikanta Das)
(हेही वाचा – Jaguar Company Owner : जॅग्वार कार ब्रँडचे मालक कोण आहेत?)
पंतप्रधान नरेंद्र मोदींनी भारतीय रिझर्व्ह बँकेचे माजी गव्हर्नर (Former Governor of RBI) राहिलेल्या शक्तिकांत दास यांची कार्यक्षमता, अनुभव,परफेक्ट कार्यपध्दती,अर्थविषयावर असलेली मजबूत पकड हेरून त्यांना प्रधान सचिव पदाची जबाबदारी सोपवली आहे. पंतप्रधान नरेंद्र मोदी यांचे प्रधान सचिव एक नंबरचे सचिव म्हणून पी.के.मिश्रा हे सध्या कार्यरत आहे. तर दुसर्‍या क्रमांकाचे प्रधान सचिन म्हणून आता शक्तिकांत दास हे असणार आहे.
Former RBI Governor Shaktikanta Das, appointed as Principal Secretary-2 to Prime Minister Narendra Modi. pic.twitter.com/uUWt7SfLjj
— ANI (@ANI) February 22, 2025
दरम्यान, शक्तीकांत दास हे १९८० च्या बॅचचे आयएएस अधिकारी आहेत. शक्तीकांत दास हे तामिळनाडू केडरचे माजी आयएएस अधिकारी आहेत. त्यांनी केंद्र सरकारच्या विविध पदावर काम केलेलं आहे. भारतीय रिझर्व्ह बँकेच्या गव्हर्नरपदी २०१८ ते २०२४ या दरम्यान त्यांनी काम केलेलं आहे. रिझर्व्ह बँकेच्या गव्हर्नरपदावर असताना त्यांनी अनेक आर्थिक आव्हानांचा सामना करत महत्वाची भूमिका बजावलेली आहे. ते भारतीय रिझर्व्ह बँकेचे २५ वे गव्हर्नर होते.
(हेही वाचा – दुकानांच्या वाढीव बांधकामांनीही अडवला पदपथ; BMC कारवाईची दाखवणार का हिंमत?)
तसेच शक्तीकांत दास हे जवळपास चार दशकांहून अधिक काळ विविध पदांवर काम करत आहेत. महसूल विभाग आणि आर्थिक व्यवहार विभागाच्या सचिव पदावरही शक्तीकांत दास यांनी काम केलेलं आहे. तसेच शक्तीकांत दास हे मूळ ओडिशाच्या भुवनेश्वरमधील (Odisha Bhubaneswar) आहेत. आता पंतप्रधान नरेंद्र मोदी यांचे प्रधान सचिव म्हणून शक्तीकांत दास यांची नियुक्ती आता पंतप्रधानांच्या कार्यकाळात किंवा पुढील आदेश येईपर्यंत असणार आहे, असंही आदेशात स्पष्ट करण्यात आलं आहे.
हेही पाहा –
Join Our WhatsApp Community