National Science Day साजरा करण्याचं “हे” आहे महत्त्वाचं कारण, जाणून घ्या

दरवर्षी २८ फेब्रुवारी हा दिवस राष्ट्रीय विज्ञान दिन (National Science Day) म्हणून साजरा केला जातो. २८ फेब्रुवारी १९२८ रोजी शास्त्रज्ञ सर सी.व्ही. रमण यांनी “रमण इफेक्ट” शोधून काढला. हा दिवस लक्षात ठेवण्यासाठी आणि मुलांमध्ये विज्ञानाबद्दलची आवड वाढवण्यासाठी दरवर्षी राष्ट्रीय विज्ञान दिन साजरा केला जातो.

२८ फेब्रुवारी १९२८ रोजी भारतीय विज्ञानाच्या क्षेत्रात पहिला शोध प्रसिद्ध भारतीय भौतिकशास्त्रज्ञ चंद्रशेखर वेंकट रमण यांनी लावला. ते एक तमिळ ब्राह्मण होते आणि भारतातील अशा शोधावर संशोधन करणारे ते विज्ञान क्षेत्रातील पहिले व्यक्ती आहेत. भविष्यात या घटनेचे स्मरण करण्यासाठी आणि त्यांचा सन्मान करण्यासाठी, १९८६ मध्ये राष्ट्रीय विज्ञान आणि तंत्रज्ञान संप्रेषण परिषदेने भारत सरकारला २८ फेब्रुवारी हा दिवस भारतात राष्ट्रीय विज्ञान दिन (National Science Day) म्हणून घोषित करण्यास सांगितले.

(हेही वाचा – Swargate Bus Depot : स्वारगेट बलात्कार प्रकरणी गृहराज्य मंत्री योगेश कदम यांनी काय दिली माहिती ?)

रमण इफेक्टचा शोध हा विज्ञानाच्या क्षेत्रात भारताची एक मोठी कामगिरी मानला जातो. राष्ट्रीय विज्ञान दिनाचे (National Science Day) मुख्य उद्दिष्ट विज्ञानाबद्दल जागरूकता वाढवणे आणि समाजात विज्ञानाचे महत्त्व अधोरेखित करणे आहे. या दिवशी विविध शैक्षणिक संस्था, विज्ञान केंद्रे आणि सरकारी संस्थांकडून विज्ञान मेळे, प्रदर्शने आणि कार्यशाळा आयोजित केल्या जातात.

दरवर्षी राष्ट्रीय विज्ञान दिनानिमित्त (National Science Day) शालेय आणि महाविद्यालयीन विद्यार्थी विविध विज्ञान प्रकल्पांचे प्रात्यक्षिक दाखवतात आणि राष्ट्रीय व राज्य विज्ञान संस्था त्यांचे नवीनतम संशोधन देखील प्रदर्शित करतात. या महोत्सवात सार्वजनिक भाषणे, रेडिओ-टीव्ही टॉक शो, विज्ञान चित्रपट प्रदर्शन, थीम आणि संकल्पनांवर आधारित विज्ञान प्रदर्शन, रात्रीचे आकाश पाहणे, थेट प्रकल्प आणि संशोधन प्रदर्शन, चर्चा, प्रश्नोत्तर स्पर्धा, भाषणे, विज्ञान मॉडेल प्रदर्शन इत्यादी अनेक उपक्रम राबवली जातात.

(हेही वाचा – भारतीय संघाचा कर्णधार Rohit Sharma याला पाहण्यासाठी दुबईच्या रस्त्यांवर तौबा गर्दी; व्हिडीओ व्हायरल)

राष्ट्रीय विज्ञान दिन (National Science Day) पहिल्यांदा १९८७ मध्ये साजरा करण्यात आला. भारत सरकारने विद्यार्थ्यांना आणि वैज्ञानिक समुदायाला विज्ञानाच्या क्षेत्राकडे प्रेरित करण्यासाठी हा दिवस राष्ट्रीय विज्ञान दिन म्हणून घोषित केला. आजही हा दिन अत्यंत उत्साहात साजरा केला जातो.

हेही पहा –