केंद्रीय गृहमंत्री अमित शाह यांनी दिल्लीच्या मुख्यमंत्री रेखा गुप्ता, दिल्लीचे गृहमंत्री आशिष सूद, दिल्लीचे पोलिस आयुक्त संजय अरोरा यांच्यासोबत बैठक करून संपूर्ण दिल्ली बांगलादेश घुसखोर (Bangladeshi infiltrators) आणि रोहिंग्या मुक्त करण्याचा निर्णय घेतला आहे. मात्र ही मोहीम संपूर्ण देशात का राबवू नये, अशी विचारणा केली जात आहे.
केंद्रीय गृहमंत्री अमित शाह यांनी घेतलेल्या निर्णयानुसार बांगलादेशी आणि रोहिंग्या घुसखोरांना (Bangladeshi infiltrators) देशात प्रवेश करण्यास, त्यांची कागदपत्रे बनवण्यास आणि येथे राहण्यास मदत करणाऱ्या संपूर्ण नेटवर्कवर कठोर कारवाई केली जाईल. दिल्लीत बेकायदेशीरपणे राहणाऱ्या बांगलादेशी आणि रोहिंग्या घुसखोरांना मदत करणारे संपूर्ण नेटवर्क उद्धवस्त करण्याची योजना तयार करण्यात आली आहे. गृहमंत्री अमित शाह यांनी म्हटले की, घुसखोरांचा मुद्दा राष्ट्रीय सुरक्षेशी देखील संबंधित आहे आणि त्यावर कठोरपणे कारवाई केली पाहिजे. त्यांना ओळखले पाहिजे आणि त्यांना हद्दपार केले पाहिजे, असा निर्णय घेण्यात आला.
दिल्लीत बेकायदेशीरपणे राहणाऱ्या बांगलादेशी घुसखोरांचा (Bangladeshi infiltrators) मुद्दा निवडणुकीदरम्यान जोरदारपणे उपस्थित करण्यात आला. गृह मंत्रालयाच्या सूचनेनुसार, गेल्या वर्षी डिसेंबर महिन्यात, दिल्ली पोलिसांनी बांगलादेशी घुसखोरांना ओळखण्यासाठी आणि त्यांना अटक करण्यासाठी दिल्लीतील १५ जिल्ह्यांमध्ये मोहीम सुरू केली होती. या संदर्भात, दिल्ली पोलिसांनी अशा तीन-चार टोळ्यांची ओळख पटवली आहे जे बांगलादेशातून लोकांना दिल्लीत आणत होते आणि त्यांचे आधार कार्ड आणि इतर भारतीय कागदपत्रे बनवत होते. दिल्ली पोलिसांनी २२,००० संशयित बांगलादेशींची (Bangladeshi infiltrators) ओळख पटवली आहे. ज्यांच्या कागदपत्रांची कसून तपासणी केली जात आहे. सुमारे ८०० संशयितांची आधार कार्ड माहिती गोळा करण्यात आली. यासाठी युनिक आयडेंटिफिकेशन अथॉरिटी ऑफ इंडियाकडून माहिती मागवण्यात आली आहे. दिल्ली पोलिसांनी आतापर्यंत १२० हून अधिक बेकायदेशीर बांगलादेशींना बांगलादेशात परत पाठवले आहे. त्यापैकी ७० जणांकडे कोणतेही भारतीय कागदपत्रे आढळली नाहीत.
(हेही वाचा Bus Accident : बोलिव्हियामध्ये बस अपघातात 37 जणांचा मृत्यू, अनेक जण जखमी)
बेकायदेशीर घुसखोरीला चालना देणारे नेटवर्क नष्ट करणार
दिल्ली पोलिसांचे म्हणणे आहे की बांगलादेशी मेघालय आणि पश्चिम बंगाल सीमेवरून बेकायदेशीरपणे येतात. सीमा ओलांडल्यानंतर, ते जंगलातून पुढे जातात आणि नंतर एजंट त्यांना बनावट आधार कार्ड देतो. यानंतर, हे लोक काही रेल्वे स्टेशन किंवा बस स्टँडवर पोहोचतात आणि नंतर तेथून दिल्लीला पोहोचतात. दिल्लीत बेकायदेशीरपणे येणारे बांगलादेशी त्यांचे वय १७ वर्षांपेक्षा कमी असल्याचे घोषित करून जन्म प्रमाणपत्र बनवतात आणि त्या आधारावर आधार कार्ड आणि मतदार कार्ड बनवतात. दिल्ली पोलिसांनी अशा अनेक लोकांना अटक केली आहे. ज्यांची कागदपत्रे मेघालय किंवा आसाममधील असल्याचे आढळून आले आहे. ही एक संपूर्ण सिंडिकेट आहे ज्याचे एजंट बांगलादेशपासून भारतात आहेत. या टोळ्या बेकायदेशीर घुसखोरीसाठी मोठ्या प्रमाणात पैसे आकारतात.
Join Our WhatsApp Community