मुख्यमंत्री देवेंद्र फडणवीस (CM Devendra Fadnavis) यांनी महाराष्ट्रातील परकीय गुंतवणुकीची (Foreign investment) माहिती सोशल मीडिया प्लॅटफॉर्म एक्स वर पोस्ट करून दिली आहे. यामध्ये त्यांनी केंद्र सरकारच्या डीपीआयआयटीने (DPIIT) दिलेल्या आकडेवारीचा संदर्भ दिला आहे. त्या आकडेवारीनुसार, महाराष्ट्रात केवळ नऊ महिन्यात 1 लाख 39 हजार 434 कोटी रुपयांची परकीय गुंतवणूक आली आहे. याबद्दल मुख्यमंत्री देवेंद्र फडणवीस (CM Devendra Fadnavis) यांनी संपूर्ण महाराष्ट्राचं अभिनंदन केला असून पुढील काळात राज्याची घोडदौड अशीच कायम राहील असं त्यांनी म्हटलं आहे.
हेही वाचा-Ayushman Card : आता एका क्लिकवर डॉक्टरांना मिळणार रुग्णांचा वैद्यकीय इतिहास
पोस्टमध्ये मुख्यमंत्री फडणवीस (CM Devendra Fadnavis) म्हणाले की, २०२४-२०२५ या आर्थिक वर्षातील पहिल्या ९ महिन्यात आतापर्यंत एकूण १ लाख ३९ हजार ४३४ कोटी रुपये इतकी परकीय गुंतवणूक महाराष्ट्रात आली आहे. ही गेल्या १० वर्षांत महाराष्ट्रात कोणत्याही एका वर्षात आलेल्या परकीय गुंतवणुकीपेक्षा सर्वाधिक आहे. महायुती सरकारने आपलाच २०१६-१७ या आर्थिक वर्षाचा विक्रम मोडल्याचं त्यांनी सांगितले. (CM Devendra Fadnavis)
गेल्या 10 वर्षांतील विक्रमी परकीय गुंतवणूक
महाराष्ट्रात आली केवळ 9 महिन्यात !केंद्र सरकारच्या डीपीआयआयटीने परकीय गुंतवणुकीचा डिसेंबर 2024 अखेरचा अहवाल जाहीर केला असून, गेल्या 10 वर्षांतील सर्वाधिक वार्षिक परकीय गुंतवणूक ही अवघ्या 9 महिन्यात महाराष्ट्राने प्राप्त केली आहे.… pic.twitter.com/wPkpWvY4yU
— Devendra Fadnavis (@Dev_Fadnavis) March 7, 2025
तसेच या आर्थिक वर्षातील तिमाही आणखी बाकी आहे. सर्वाधिक परकीय गुंतवणुकीबाबत संपूर्ण महाराष्ट्राचे मी अभिनंदन करतो. माझे सहकारी उपमुख्यमंत्री एकनाथ शिंदे, अजित पवार आणि मंत्रिमंडळाच्या नेतृत्वात आपल्या महाराष्ट्राची घौडदौड अशीच कायम राहील असा विश्वासही मुख्यमंत्री देवेंद्र फडणवीस यांनी व्यक्त केला आहे. (CM Devendra Fadnavis)
हेही पहा-
Join Our WhatsApp Community