उपमुख्यमंत्री तथा वित्तमंत्री अजित पवार (Ajit Pawar) हे सोमवार, १० मार्च या दिवशी राज्याचा वर्ष २०२५-२६ चा अर्थसंकल्प सादर करणार आहेत. महायुती सरकारचा हा पहिला अर्थसंकल्प असून वित्तमंत्री म्हणून अजित पवार यांचा हा अकरावा अर्थसंकल्प असणार आहे. (Maharashtra Budget 2025)
(हेही वाचा – Budget Session 2025 : सत्ताधाऱ्यांचे मिशन; ‘टार्गेट आदित्य’)
विधानसभा निवडणुकीत (vidhansabha election 2024) महायुतीला भरघोस विजय मिळवून देण्यात सरकारने दिलेल्या मोफत योजनांमुळे सरकारी तिजोरीवर भार पडला आहे. आधीच महसुली तूट असलेल्या राज्याच्या तिजोरीवर या योजनांमळे आणखी भार पडला आहे. त्यामुळे अर्थसंकल्प सादर करताना वाढता खर्च, महसुली तूट, राज्यावरील वाढते कर्ज, देणी आणि वाढत्या प्रशासकीय खर्चावर नियंत्रण यांचे आव्हान सरकारसमोर असणार आहे.
जुलै २०२४ मध्ये सरकारने काही योजना सुरु केल्या. त्या ९६,००० कोटींच्या योजनांमुळे २०२४-२५ च्या अखेरीस वित्तीय तूट १.१० लाख कोटींच्या घरात असेल, असा अंदाज होता. मात्र पावसाळी अधिवेशनातील ९४,६१० कोटींच्या पुरवणी मागण्या, चालू २०१८-१९ ते २०२२-२३ दरम्यान दरवर्षी कर्ज सरासरी ९.९२ टक्के दराने वाढले आहे. २०२३-२४ मध्ये राज्यावरील कर्जाचा बोजा ७ लाख ११ हजार २७८ कोटी रुपये होता, २०२४-२५ या आर्थिक वर्षात त्यात १० टक्के वाढ होऊन तो ७ लाख ८२ हजार ९९१ कोटी रुपयांपर्यंत गेला आहे. त्यामुळे अजित पवार लाडकी बहीण, शेतकऱ्यांना मोफत वीज यासह इतर योजनांसाठी तरतूद करताना महसूल वाढीसाठी कर वाढवण्याचा मार्ग अवलंबणार का याकडे राज्याचे लक्ष लागले आहे.
लाडक्या बहिणींना २१०० रुपये कधी मिळणार ?
मुख्यमंत्री लाडकी बहीण योजनेत राज्य सरकार सध्या दरमहा लाडक्या बहिणींना १५०० रुपये देते. विधानसभा निवडणुकीत ही रक्कम २१०० रुपये करण्याचे आश्वासन महायुतीने दिले होते. त्यामुळे या अर्थसंकल्पात यासंदर्भात वित्तमंत्री घोषणा करणार का याकडेही महिलांचे लक्ष आहे. (Maharashtra Budget 2025)
हेही पहा –
Join Our WhatsApp Community