मुंबईच्या उपनगरांपैकी एक महत्त्वाचे शहर असलेल्या ठाण्यामध्ये चक्क 11 मजल्यांचे रेल्वे (Railway) स्थानक उभारले जाणार आहे. या रेल्वे स्थानकामध्ये केवळ रेल्वे गाड्या येणार-जाणार नाहीत तर इथे अनेक सुविधा उपलब्ध असतील. या ठिकाणी लोकांच्या मनोरंजनाचीही विशेष सोय केली जाणार आहे. या बहुमजली स्थानकामध्येच मॉल, कार्यालयीन व्यवस्था आणि रिटेलची दुकाने असतील. हा प्रोजेक्ट रेल्वे कनेक्टीव्हिटीबरोबरच सरकारला महसूल मिळवून देण्यात फायद्याचे ठरतील.
डेडलाइनही ठरली
ठाणे रेल्वे (Railway) स्थानकावर प्लॅटफॉर्म क्रमांक 10 ए जवळ 9000 वर्ग मीटरवर हा प्रकल्प साकारला जाणार आहे. याचबरोबर 24,280 वर्गमीटरची जागा लीजवर देण्यासाठी उपलब्ध असेल. या जागा 60 वर्षांच्या लीजवर दिल्या जातील असे सांगितले जात आहे. हा प्रकल्प 30 जून 2026 पर्यंत पूर्ण करण्याचे टार्गेट ठेवण्यात आले आहे. हे स्थानक बस आणि मेट्रो मार्गाने जोडले जाणार आहे.
(हेही वाचा Pakistan मध्ये आधी रेल्वे हायजॅक, नंतर लष्करी तळावर हल्ला, आता मशिदीत बॉम्बस्फोट)
बेसमेंटमध्ये पार्किंग
या रेल्वे (Railway) स्थानकाच्या बेसमेंटमध्ये पार्किंगची व्यवस्था उपलब्ध करुन दिली जाणार आहे. तसेच या ठिकाणी इतरही सोयी सुविधा पुरवल्य जाणार आहे. याच स्थानकामधील एक डेक बस गाड्यांसाठी असणार आहे. येथून स्थानिक म्हणजेच शहराअंतर्गत जाणाऱ्या बस मिळतील. तळाच्या दोन मजल्यांवर या सर्व सुविधा पुरवल्या जातील. वरच्या मजल्यांवर कमर्शिअल दुकानं आणि इतर सुविधा पुरवल्या जातील. या मजल्यांवर शॉपिंग आणि रिटेल दुकानं तयार केली जातील.
Join Our WhatsApp Community