गेल्या नऊ महिन्यांपासून आंतरराष्ट्रीय अंतराळ स्थानकात (ISS) अडकलेल्या अंतराळवीर सुनीता विल्यम्स (Sunita Williams) आणि बुच विल्मोर (Butch Wilmore) यांचे पृथ्वीवर परतण्याचा मार्ग मोकळा झाला आहे. मस्क यांच्या स्पेसएक्स आणि नासाने मिळून त्यांच्या परतीसाठी क्रू-१० (Crew-10) मिशन सुरू केले आहे. नासाच्या केनेडी स्पेस सेंटरमधून फाल्कन ९ रॉकेट वापरून ड्रॅगन अंतराळयान आयएसएसवर (ISS) पाठवण्यात आले आहे. स्थानिक वेळेनुसार, शुक्रवारी संध्याकाळी ७:०३ वाजता ते प्रक्षेपित करण्यात आले. (Sunita Williams)
हेही वाचा-UP : देशाची गोपनीय माहिती पाकिस्तानी एजंटला देणाऱ्या शस्त्रनिर्मिती कारखान्यातील कर्मचाऱ्याला अटक
सुनीता विल्यम्स (Sunita Williams) आणि बुच विल्मोर गेल्या वर्षी जूनमध्ये बोईंगच्या स्टारलाइनर कॅप्सूलमधून आंतरराष्ट्रीय अंतराळ स्थानकात पोहोचले होते. ते एका छोट्या चाचणी मोहीमेसाठी गेले होते, परंतु हेलियम गळती आणि थ्रस्टरमधील बिघाड यासारख्या तांत्रिक अडचणींमुळे त्यांचे परतणे वारंवार लांबले आहे. त्यानंतर, स्पेसएक्सच्या कॅप्सूलमध्ये बॅटरीच्या समस्येमुळे त्यांचे परतणे आणखी लांबले. अखेर, क्रू-१० मोहिमेद्वारे त्यांना परत आणण्याची योजना आखण्यात आली, ज्यामुळे नासा आणि स्पेसएक्सला दिलासा मिळाला. (Sunita Williams)
हेही वाचा-Holi 2025 : ऐन सणासुदीच्या दिवशी महाराष्ट्रात आठ जणांचा बुडून मृत्यू !
या मोहिमेअंतर्गत, चार नवीन अंतराळवीरांना आंतरराष्ट्रीय अंतराळ स्थानकात पाठवण्यात आले आहे. यामध्ये नासाच्या अ‍ॅन मॅक्क्लेन आणि निकोल आयर्स, जपान एरोस्पेस एक्सप्लोरेशन एजन्सीच्या ताकुया ओनिशी आणि रशियाची अंतराळ संस्था रोसकॉसमॉसचे किरिल पेस्कोव्ह यांचा समावेश आहे. हे नवीन क्रू आयएसएसवरील सध्याच्या क्रूची जागा घेईल, जेणेकरून विल्यम्स आणि विल्मोर पुढील आठवड्यात परत येऊ शकतील. जर हवामान अनुकूल राहिले तर त्यांचे परतणे आणखी लवकर पूर्ण होईल. (Sunita Williams)
हेही पहा-
Join Our WhatsApp Community