मुलाविरुद्ध मनी लाँड्रिंगचा गुन्हा दाखल करण्याची धमकी देऊन ८६ वर्षीय वृद्धेला डिजिटल अरेस्ट (Digital Arrest) दाखवून २० कोटी रुपये उकळण्यात आल्याची खळबळजनक घटना दक्षिण मुंबईत घडली. या प्रकरणी गुन्हे शाखेच्या दक्षिण सायबर विभागाने (Cyber Department) मालाड आणि मीरा रोड येथून दोघांना अटक केली आहे. डिजिटल अरेस्ट (Digital Arrest) आणि फसवणुकीचा प्रकार मागील तीन महिन्यांपासून सुरू होता, अशी माहिती पोलिसांनी दिली आहे.
मुंबई गुन्हे शाखेच्या दक्षिण सायबर पोलिसांनी शायन जमील शेख (Shayan Jamil Sheikh) (२०) आणि राजिक आझम बट (Rajik Azam Butt) (२०) या दोघांना अटक केली आहे. बट हा एका मोठ्या आंतरराष्ट्रीय सायबर रॅकेटमध्ये सामील त्याने मेसेजिंग अॅप टेलिग्रामवर १३ परदेशी नागरिकांचा एक गट तयार केला होता. या गृपवर बट हा बँक खातेदाराची डिटेल्स शेअर्स करत होता, या खात्यावर फसवणुकीची रक्कम जमा होत होती, अशी माहिती पोलिसांनी दिली आहे.
(हेही वाचा – Water Cut : पूर्व उपनगराच्या टोकाला पाणी समस्या, मंगळवारी मिळणार नाही पाणी…)
पोलिसांनी सांगितले की, २०.२५ कोटी रुपयांची कथित फसवणूक २६ डिसेंबर २०२४ ते ३ मार्च २०२५ दरम्यान झाली. अधिकाऱ्यांनी सांगितले की, पोलीस अधिकारी असल्याचे भासवणाऱ्या आरोपीने डिसेंबर २०२४ च्या शेवटच्या आठवड्यात ८६ वर्षीय महिलेशी प्रथम संपर्क साधला आणि मनी लाँड्रिंग प्रकरणात सहभागी असल्याचा खोटा आरोप केला. फोन करणाऱ्यांनी दावा केला की, तिचे आधार कार्ड आणि इतर वैयक्तिक माहिती वापरून तिच्या नावाने इंडियन बँकेत (Indian Bank) बँक खाते उघडण्यात आले आहे. त्यांनी तिला सांगितले की, या खात्याचा वापर करून मोठ्या प्रमाणात मनी लाँड्रिंग करण्यात आले आहे आणि लवकरच पोलिस कारवाई होणार आहे,” असे एका पोलिस अधिकाऱ्याने सांगितले.
भीती निर्माण करण्याच्या प्रयत्नात, आरोपींनी तिच्या आणि तिच्या कुटुंबातील सदस्यांविरुद्ध, ज्यामध्ये तिची मुलगी देखील समाविष्ट आहे, पोलिस खटला दाखल करण्याची धमकी दिली. त्यांनी महिलेला त्यांच्या खात्यात पैसे ट्रान्सफर करण्यास भाग पाडण्यासाठी बनावट “डिजिटल अरेस्ट” (Digital Arrest) सारख्या युक्त्यांचा वापर केला.
“डिसेंबर २०२४ ते मार्च २०२५ दरम्यान, पीडितेला एकूण २०.२५ कोटी रुपये ट्रान्सफर करण्यासाठी मजबूर करण्यात आले. तथापि, जेव्हा तिला कळले की तिची फसवणूक होत आहे, तेव्हा तिने राष्ट्रीय सायबर गुन्हे अहवाल प्लॅटफॉर्मकडे तक्रार दाखल केली, त्यानंतर तिने दक्षिण सायबर पोलिस ठाण्यात तक्रार दाखल केली,” असे एका अधिकाऱ्याने सांगितले. तपासादरम्यान, पोलिस अधिकाऱ्यांना कळले की हे पैसे विविध बँक खात्यांमध्ये ट्रान्सफर करण्यात आले होते, त्यापैकी एक खातेदाराचे नाव शायन जमील शेख (Shayan Jamil Sheikh) होते.
(हेही वाचा – Ajit Pawar यांनी कॉँग्रेस प्रदेशाध्यक्ष हर्षवर्धन सपकाळांची सभागृहात लायकीच काढली..)
“फसवणुकीच्या रकमेपैकी सुमारे ४.९९ लाख रुपये त्याच्या खात्यात ट्रान्सफर करण्यात आले. त्यानंतर, आम्ही त्याचा शोध सुरू केला. आम्हाला त्याचा पत्ता सापडला, परंतु तो त्या ठिकाणी उपस्थित नव्हता, त्यानंतर आम्ही त्याला मालाडच्या मालवणी परिसरातील एमएचबी कॉलनीतून अटक केली.”
चौकशीनंतर, शायनने खात्यातून ४.९९ लाख रुपये काढून त्याचा साथीदार रायन अर्शद शेख याला दिल्याची कबुली दिली, ज्याने नंतर ते दुसऱ्या संशयित राजिक आझम बटला (Rajik Azam Butt) दिले.
या माहितीच्या आधारे बटचा शोध सुरू करण्यात आला. मीरा रोड येथील सौभाग्य पार्क हाऊसिंग सोसायटीजवळील रायन आणि राजिकच्या ठिकाणावर नेण्यात आले. कारवाईदरम्यान, दोन्ही आरोपींनी पळून जाण्याचा प्रयत्न केला. रायन पळून जाण्यात यशस्वी झाला, तर राजिकला जागीच अटक करण्यात आली,” असे एका अधिकाऱ्याने सांगितले. त्यानंतर पोलिसांनी शायन आणि राजिककडून जप्त केलेल्या मोबाईल फोनची तपासणी सुरू केली. त्यांना आढळले की बट एका आंतरराष्ट्रीय फसवणुकीच्या नेटवर्कशी जोडलेला होता. तपासकर्त्यांना असे आढळून आले की, त्याने मेसेजिंग अॅप टेलिग्रामवर १३ परदेशी नागरिकांचा एक गट तयार केला होता, ज्याद्वारे त्याने परदेशातील मास्टर माइंड्सना भारतीय बँक (Indian Bank) खात्यांबद्दल माहिती शेअर केल्याचा संशय आहे. शायन आणि दुसऱ्या संशयिताच्या खात्यात ४.९९ लाख आणि ६.९८ लाख रुपये हस्तांतरित केले गेले होते, ते बटने टेलिग्राम अॅपद्वारे परदेशातील सूत्रधारांना दिले होते,” असे एका अधिकाऱ्याने सांगितले. दोन्ही आरोपी आंतरराष्ट्रीय फसवणूक टोळीचे सदस्य आहेत आणि गुन्ह्याच्या कटात थेट सहभागी होते, असा दावा करून अधिकाऱ्यांनी पुढे सांगितले की, परदेशातील मास्टरमाइंडना आणखी किती बँक खाती उपलब्ध करून देण्यात आली आहेत याचा तपास ते करत आहेत.
हेही पहा –
Join Our WhatsApp Community