मलिकांचे अंडरवर्ल्डशी संबंध! पुरावे शरद पवारांनाही देणार

एनसीपीचे प्रवक्ते नवाब मलिक यांचे अंडरवर्ल्डशी संबंध आहेत. त्याबाबतचे पुरावे मी आता तपास यंत्रणांना देणार आहेच, त्याच बरोबर हे पुरावे राष्ट्रवादीचे सर्वेसर्वा शरद पवार यांनाही देणार आहे, सुरुवात मलिकांनी केली आहे, शेवट मी करणार आहे, असा इशारा माजी मुख्यमंत्री देवेंद्र फडणवीस यांनी दिला आहे.

दिवाळीनंतर आता आपण या विषयात हात घालणार आहे. नवाब मलिकांनी लवंगी फटाका फोडला आहे. दिवाळीपर्यंत थांबा, दिवाळीनंतर मी बाँम्बच फोडणार आहे. मी काचेच्या घरात राहत नाही, मलिक यांचे संबंध हे थेट अंडरवर्ल्डशी आहेत, त्याचे पुरावे आपण देणार आहे, असेही फडणवीस म्हणाले.

(हेही वाचा : फडणवीस ड्रग्सच्या खेळाचे मास्टरमाईंड! नवाब मलिकांचा थेट आरोप)

ज्या गाण्याचा उल्लेख करून मलिक यांनी जयदीप राणा यांचा अमृता फडणवीस यांच्यासोबतचा फोटो ट्विट केला आहे, तो ४ वर्षांपूर्वीचा आहे. राणा यांचे फोटो सर्वांसोबत आहेत. त्यामुळे या आरोपात तथ्य नाही.

नीरज गुंडे हे उद्धव ठाकरे यांच्या संपर्कात होते, त्यांना ते भेटायचे, मलिक यांनी त्याचा जाब उद्धव ठाकरे याना विचारावा, नीरज गुंडे याचे सर्वांशी संबंध आहेत, असेही फडणवीस म्हणाले.