‘२३ डिसेंबर’ : या दिवशी शेकडो मुले सापडलेली अग्नीच्या विळख्यात

२३ डिसेंबर १९९५ रोजी हरियाणातील डबवली येथील एका शाळेला लागलेल्या आगीच्या घटनेने संपूर्ण देश हादरला होता. ही भयंकर घटना कधीही विसरता येणार नाही. या भीषण आगीने अवघ्या सात मिनिटांत ४४२ जणांचा बळी घेतला. इतक्या मृतदेहांसमोर स्मशानभूमी कमी पडली आणि शेतातच अंत्यसंस्कार करण्यात आले. घटनेच्या दिवशी डबवली येथील डीएव्ही स्कूलमध्ये वार्षिक उत्सव साजरा करण्यात येत होता. दुपारी १ वाजून ४० मिनिटांनी शॉर्टसर्किटमुळे पंडालच्या गेटला आग लागली आणि आग संपूर्ण पंडालमध्ये पसरली. पंडालमध्ये बसलेल्या लोकांना तिथून निघण्यासाठी ना संधी मिळाली ना मार्ग.

पंडालजवळ अन्न शिजवण्यासाठी ठेवलेल्या गॅस सिलिंडर आणि जनरेटरलाही आगीने विळखा घातला आणि भीषण रूप धारण केले. सगळीकडे आरडाओरडा आणि गोंधळ माजला होता. दुपारी १ वाजून ४७ मिनिटांपर्यंत अवघ्या सात मिनिटांत संपूर्ण पंडाल मृतदेहांच्या ढिगाऱ्यात बदलले. मृतांमध्ये २५८ मुले आणि १३५ महिलांचा समावेश आहे. सुमारे १५० जण जखमी झाले. या आगीत सापडलेले जखमी अपंग झाले आहेत. देशातील सर्वात भीषण आगींमध्ये या आगीची गणना केली जाते.

इतर महत्त्वाच्या घटना:

• १८४५: रासबिहारी बोस, एक प्रसिद्ध राजकारणी आणि वकील यांचा जन्म.
• १८६५: स्वामी रामकृष्ण परमहंस यांचे शिष्य स्वामी सारदानंद यांचा जन्म.
• १८८९: भारताच्या सर्वोच्च न्यायालयाचे तिसरे सरन्यायाधीश मेहरचंद महाजन यांचा जन्म.
• १८९९: प्रसिद्ध कादंबरीकार आणि पत्रकार रामवृक्ष बेनीपुरी यांचा जन्म.
• १९०२: भारताचे माजी पंतप्रधान आणि शेतकरी नेते चौधरी चरणसिंग यांचा जन्म.
• १९२६: सुप्रसिद्ध समाजसुधारक आणि स्वातंत्र्यसैनिक स्वामी श्रद्धानंद यांचा बलिदान दिवस.
• १९४१: भारतीय स्वातंत्र्यसैनिक अर्जुन लाल सेठी यांचे निधन.
• २०००: प्रसिद्ध अभिनेत्री आणि गायिका मल्लिका-ए-तरन्नुम नूरजहाँ यांचे निधन.
• २००४: भारताचे १० वे पंतप्रधान पामुलापती व्यंकट नरसिंह राव यांचे निधन.
• २०१०: केरळचे माजी मुख्यमंत्री आणि काँग्रेस नेते के. करुणाकरन यांचे निधन झाले.

( हेही वाचा :शिवसेनेचे हिंदुत्व भेंडी बाजारातील! नितेश राणेंचा घणाघात )