शरद पवार यांच्यावर बोलणार्‍या देवेंद्र फडणवीसांना यापूर्वी कात्रजचा घाट दाखवला होता आणि आताही बोलत राहिले, तर पवार काशीचा घाट दाखवल्याशिवाय राहणार नाही, असा स्पष्ट इशारा राष्ट्रवादी काँग्रेसचे मुख्य राष्ट्रीय प्रवक्ते आणि अल्पसंख्याक मंत्री नवाब मलिक यांनी दिला आहे. राष्ट्रवादी काँग्रेस साडेतीन जिल्हयाचा पक्ष बोलणार्‍या देवेंद्र फडणवीस यांना नवाब मलिक यांनी जोरदार फटकारले आहे.
शरद पवार हे मुख्यमंत्री असताना फडणवीस कधी विधानसभेत सदस्य म्हणून निवडून आले नाहीत. कालपर्यंत राज्यात २५-३० जागा निवडून येत होत्या, ते पवार यांच्यावर भाष्य करत आहेत. याअगोदरही पवारांवर फडणवीस भाष्य करत होते त्यावेळी काय झाले याची आठवणही नवाब मलिक यांनी फडणवीस यांना करुन दिली.
(हेही वाचा #SaveForts_OpposeLandJihad ट्विटर ट्रेन्डला मिळाला भरघोस प्रतिसाद)
उद्या गोव्यात राष्ट्रवादी व शिवसेनेची बैठक
शिवसेनेसोबत आघाडी करण्यासाठी उद्या गोव्यात राष्ट्रवादीचे नेते प्रफुल पटेल आणि मंत्री जितेंद्र आव्हाड जाणार असल्याची माहिती राष्ट्रवादी काँग्रेसचे मुख्य राष्ट्रीय प्रवक्ते आणि अल्पसंख्याक मंत्री नवाब मलिक यांनी दिली. दरम्यान उद्या शिवसेनेसोबत जी अंतिम चर्चा होईल तो निर्णय गोव्यात प्रफुल पटेल जाहीर करतील अशीही माहिती नवाब मलिक यांनी दिली. उत्तर प्रदेशमध्ये समाजवादी पक्षासोबत आघाडी झाली आहे. मणीपूरमध्ये कॉंग्रेससोबत आघाडी आहे. गोव्यात स्थानिक पातळीवर कॉंग्रेसने आघाडी न करण्याची भूमिका घेतली आहे. त्यामुळे शिवसेनेसोबत आघाडी करण्यासाठी चर्चा सुरू आहे असेही नवाब मलिक म्हणाले.
Join Our WhatsApp Community