पुण्यातील डॉ. सतीश चव्हाण यांच्या ४ वर्षांच्या मुलाचे अपहरण करण्यात आले होते, १० दिवसांपासून गायब असलेला चिमुरडा अखेर सापडला. त्यामुळे डॉ. सतीश चव्हाण आणि त्यांच्या पत्नी तणावातून मुक्त झाले.
३०० हून अधिक पोलिस शोध घेत होते
स्वर्णव असे मुलाचे नाव आहे. बालेवाडीमधून त्याचे अपहरण झाले होते. पुणे पोलिसांची मोठी फौज मुलाला शोधत होती, खूप गुप्तता पाळून हा तपास सुरू होता. जवळपास ३०० ते साडे तीनशेपेक्षा अधिक पोलिस कर्मचारी व अधिकारी या मुलांचा शोध घेत होते. अखेर बुधवारी वाकड जवळील पुनावळे येथे पोलिसांना स्वर्णवला शोधण्यात यश आले. स्वर्णव याचे अपहरण झाल्यावर त्याविरोधात चतु:शृंगी पोलिसांत याबाबत तक्रार करण्यात आली होती. आता पोलिसांना स्वर्णव याला शोधण्यात यश आल्यावर त्याचे अपहरण कशासाठी अपहरण केले, याचा पोलिस शोध घेत आहेत. गेली आठ दिवस पोलीस सोशल मीडियावर अनेक ठिकाणी फोटो पाठवून स्वर्णव याचा तपास करत होते. अखेर मुलाला आठ दिवसांनंतर शोधण्यात पोलिसांना यश आले.
(हेही वाचा 32 वर्षांपूर्वी काश्मिरी पंडितांसाठी ठरली ‘ती’ काळरात्र! नेटक-यांनी अशा जागवल्या आठवणी…)
Join Our WhatsApp Community