७३ व्या प्रजासत्ताक दिनाच्या पूर्वसंध्येला राष्ट्रपती रामनाथ कोविंद यांनी देशाला संबोधित केले आहे. “७३व्या प्रजासत्ताक दिनाच्या पूर्वसंध्येला, देश-विदेशात राहणाऱ्या तुम्हा सर्व भारतीय जनतेला माझ्या हार्दिक शुभेच्छा! हा भारतीयत्वाच्या अभिमानाचा उत्सव आहे. तसेच आपल्या सर्वांना एकत्र बांधणारा उत्सव आहे. १९५० ला याच दिवशी आपल्या सर्वांच्या या गौरवशाली ओळखीला औपचारिक स्वरूप प्राप्त झाले, असं म्हणत राष्ट्रपतींनी भारतीयांना शुभेच्छा दिल्या.
अधिकार आणि कर्तव्य या नाण्याच्या दोन बाजू
“प्रत्येक वर्षी प्रजासत्ताक दिनी, आपण आपली गतिशील लोकशाही आणि राष्ट्रीय एकात्मतेची भावना साजरी करतो. कोरोना महामारीमुळे, या वर्षीच्या उत्सवात धूमधडाका कमी असेल, पण आपली भावना नेहमीसारखीच मजबूत आहे. राष्ट्रपती पुढे म्हणाले की, “अधिकार आणि कर्तव्य या नाण्याच्या दोन बाजू आहेत. यावर आपले प्रजासत्ताक ठामपणे उभे आहे. “सार्वजनिक संसाधनांचा फायदा घेण्यासाठी, म्हणजेच लोकसंख्याशास्त्रीय लाभांश मिळविण्यासाठी, सरकारने राष्ट्रीय शैक्षणिक धोरणाद्वारे एक योग्य वातावरण प्रदान केले आहे, जे आपल्या पारंपारिक जीवन मूल्यांचा आणि आधुनिक जीवनाचा एक आदर्श मिलाफ आहे, असं राष्ट्रपती कोविंद म्हणाले.
लाखो देशवासियांना प्रेरणा मिळाली
“मला आनंद झाला आहे, की भारताने जगातील पहिल्या 50 ‘इनोव्हेटिव्ह इकॉनॉमी’मध्ये आपले स्थान निर्माण केले आहे. ही कामगिरी आणखी समाधानकारक बनवणारी गोष्ट म्हणजे भारताने व्यापक समावेशावर भर देत, सक्षमतेला आणि योग्यतेला चालना दिली.” असं म्हणत राष्ट्रपतींनी समाधान व्यक्त केले. राष्ट्रपती कोविंद म्हणाले, “गेल्या वर्षी ऑलिम्पिक स्पर्धेत आपल्या खेळाडूंनी केलेल्या उत्कृष्ट कामगिरीमुळे लोकांमध्ये आनंदाची लाट होती. त्या युवा विजेत्यांचा आत्मविश्वास आज लाखो देशवासीयांना प्रेरणा देत आहे.
On this occasion, let us also remember the great freedom fighters who showed incomparable courage in their pursuit of the dream of Swaraj and fired up the people to fight for it: President Ram Nath Kovind addresses the nation on the eve of #RepublicDay pic.twitter.com/MgYonu7dAD
— ANI (@ANI) January 25, 2022
नवीन भारत उदयास आला आहे
ते पुढे म्हणाले, “अलिकडच्या काही महिन्यांत, मी आपल्या देशवासियांनी विविध क्षेत्रात त्यांच्या वचनबद्धतेने आणि कठोर परिश्रमाद्वारे राष्ट्र आणि समाज मजबूत केल्याची अनेक उल्लेखनीय उदाहरणे पाहिली आहेत. राष्ट्रपती कोविंद म्हणाले, “भारतीय नौदल आणि कोचीन शिपयार्ड लिमिटेडच्या समर्पित संघांनी नौदलात सामील होण्यासाठी स्वदेशी आणि अत्याधुनिक विमानवाहू ‘IAC-विक्रांत’ तयार केलं आहे. अशा आधुनिक लष्करी क्षमतेच्या बळावर भारताची गणना आता जगातील प्रमुख नौदल शक्ती असलेल्या राष्ट्रांमध्ये केली जाते. अशा उदाहरणांमुळे माझा विश्वास दृढ होतो की, एक नवीन भारत उदयास येत आहे. एक मजबूत भारत आणि एक संवेदनशील भारत तयार झाला आहे. मला खात्री आहे की, या उदाहरणातून प्रेरणा घेऊन, इतर कर्तबगार देशबांधवही आपापल्या गावांच्या आणि शहरांच्या विकासासाठी हातभार लावतील.
( हेही वाचा: बापरे…मंत्रालयाचे गेट बनले सुसाईट स्पॉट! शेतकरी, बेकार तरुण आता पोलिस…)
“आपली सभ्यता प्राचीन आहे पण आपले प्रजासत्ताक नवीन आहे”
राष्ट्रपती कोविंद म्हणाले, “ज्या भारतातील लोकांना आपल्या मेहनतीने आणि प्रतिभेच्या जोरावर जीवनाच्या शर्यतीत पुढे जाता आले आहे, त्यांनी आपली मुळे, आपले गाव-शहर आणि आपली माती नेहमी लक्षात ठेवा. “आज आपले सैनिक आणि सुरक्षा कर्मचारी देशभक्तीचा वारसा पुढे नेत आहेत. आपले सशस्त्र दल आणि पोलीस देशाच्या सीमांचे रक्षण करण्यासाठी आणि देशांतर्गत सुव्यवस्था राखण्यासाठी रात्रंदिवस जागरुक राहतात. जेणेकरून इतर सर्व देशवासीय शांतपणे झोपू शकतील, असं राष्ट्रपती पुढे म्हणाले. ते म्हणाले, “आपली सभ्यता प्राचीन आहे, परंतु आपले हे प्रजासत्ताक नवीन आहे. राष्ट्रनिर्माण ही आपल्यासाठी सततची मोहीम आहे. हे जसे कुटुंबात घडते, तसेच राष्ट्रात घडते. एक पिढी पुढील पिढीचे चांगले भविष्य सुनिश्चित करण्यासाठी कठोर परिश्रम करते.
Join Our WhatsApp Community