दादर येथे काँग्रेसच्या आंदोलनाविरोधात भाजप कार्यकर्ते आक्रमक

मोदी सरकार पेगॅसेसच्या माध्यमातून राजकीय पक्षाचे नेते, पत्रकार यांची हेरगिरी करत होते, असा आरोप करत काँग्रेसच्या कार्यकर्त्यांनी थेट भाजपचे दादर येथील वसंत स्मृती कार्यालय गाठले, त्या ठिकाणी काँग्रेसच्या कार्यकर्त्यांनी निदर्शने सुरु केली. त्यावेळी भाजपचेही कार्यकर्ते त्या ठिकाणी जमले आणि काँग्रेसच्या आंदोलनाच्या विरोधात आक्रमक पवित्रा घेतला. जर काँग्रेसला काही आक्षेप आहे, तर त्यांनी चर्चेद्वारे मुद्दा मांडावा, अशा प्रकारे भाजपच्या कार्यालयावर कुणी चालून येणार असेल तर मान्य केले जाणार नाही, आम्ही त्याचा विरोध करू, असे भाजपचे मुंबई प्रदेश अध्यक्ष मंगल प्रभात लोढा म्हणाले. तसेच भाजप नेते प्रसाद लाड यांनी जोवर काँग्रेसच्या नेत्यांना अटक केली जाणार नाही, तोवर आमचे आंदोलन सुरूच राहील, अशी भूमिका घेतली. त्यामुळे पोलिसांनी अखेर काँग्रेसचे आंदोलन ज्यांच्या नेतृत्वाखाली सुरु होते, ते  झिशान सिद्दीकी यांना ताब्यात घेतल्याने काँग्रेसने आंदोलन मागे घेतले.

(हेही वाचा  सुपर मार्केटमधील वाईन विक्रीच्या निर्णयाला पवारांचाच विरोध, म्हणाले…)