संघर्षग्रस्त युक्रेनमधून बाहेर पडणाऱ्या सर्व भारतीय नागरिकांसह विद्यार्थ्यांना पोलंड व्हिसाशिवाय आपल्या देशात प्रवेश देत आहे, असे भारतातील पोलंडच्या दूतावासाने रविवारी सांगितले. पोलंडमधील भारतीय राजदूत एडम बुराकोव्स्की यांनी त्यांच्या ट्विटर हँडलवर ही माहिती शेअर केली आहे. रशियाने युक्रेनवर केलेल्या आक्रमणानंतर युक्रेनमध्ये अडकलेल्या भारतीयांना मदत करण्यासाठी युक्रेनचा शेजारील देश पोलांड धावून आला आहे. युक्रेनमधील भारतीयांना कोणत्याही कागदपत्राविना तसेच विसाविना देशात शरण घेण्याची परवानगी दिली आहे. यासंदर्भातील ट्वीट पोलांडमधील भारतीय राजदुतांनी केले आहे.
Poland is allowing to enter without any visa all Indian students who escape from Russian aggression in Ukraine.
— Adam Burakowski (@Adam_Burakowski) February 27, 2022
‘ऑपरेशन गंगा’ अंतर्गत युक्रेनमधील अडकलेल्या 198 भारतीयांना सुरक्षितपणे परत आणण्यासाठी चौथ्या विमानाने बुखारेस्ट (रोमानिया) येथून दिल्लीला रवाना केले आहे, असे परराष्ट्र मंत्री डॉ. एस जयशंकर यांनी रविवारी सांगितले. अद्याप ऑपरेशन गंगा सुरूच आहे. आमच्या 198 भारतीयांना बुखारेस्टहून दिल्लीत सुरक्षितपणे आणण्यासाठी चौथे विमान रवाना झाले आहे, जयशंकर यांनी ट्विटमध्ये म्हटले आहे. यापूर्वी एका ट्विटमध्ये परराष्ट्र मंत्र्यांनी सांगितले की, ऑपरेशन गंगा अंतर्गत 240 भारतीय नागरिकांसह दिल्लीला जाणारे तिसरे विमान हंगेरीच्या बुडापेस्ट येथून उड्डाण केले आहे. सध्या सुरू असलेल्या युक्रेन-रशिया संकटादरम्यान, कीवमधील भारतीय दूतावासाने भारतीय नागरिकांना सीमा चौक्यांवर सरकारी अधिकार्‍यांशी पूर्व समन्वय न ठेवता कोणत्याही सीमा चौकीवर जाण्याचा सल्ला दिला आहे.
(हेही वाचा – ‘मनसे विद्यार्थी सेने’ला मिळाले नवे ‘गुरुजी’! मराठी भाषा गौरव दिनी पक्षाचा मोठा निर्णय)
आतापर्यंत, युद्धग्रस्त युक्रेनमधून एकूण 469 भारतीय नागरिकांना बाहेर काढण्यात यश आले आहे, त्यापैकी 250 रविवारी सकाळी दिल्लीत आणि 219 शनिवारी संध्याकाळी मुंबईत दाखल झाले. शनिवारी भारतीय नागरिकांना दिलेल्या सल्ल्यामध्ये, दूतावासाने असे सांगितले की, विविध सीमा चौक्यांवर परिस्थिती संवेदनशील आहे आणि आमच्या नागरिकांना बाहेर काढण्यासाठी शेजारील देशांतील दूतावासांसोबत सतत काम करत असल्याचे सांगितले जात आहे. दूतावासाने भारतीयांना युक्रेनच्या पश्चिमेकडील शहरांमध्ये राहण्याचा सल्ला दिला आहे, जेथे पाणी, अन्न, निवास आणि मूलभूत सुविधांचा प्रवेश तुलनेने सुरक्षित आहे. रशियन सैन्य युक्रेनच्या राजधानीत प्रवेश करत असून ते आता पुढच्या दिशेने सरकत आहे. या सैन्याने पुढे प्रवेश केल्यानंतर माध्यमांनी दिलेल्या माहितीनुसार, कीव राजधानीत प्रवेश केल्यानंतर दोन मोठ्या धमाक्यांचे आवाज आल्याचे सांगितले जात आहे.
Join Our WhatsApp Community