डाॅल्फिनचा मृतदेह
शनिवारी सायंकाळी मालाड मार्वे येथील दानापानी चौपाटीवर डॉल्फिनचा मृतदेह आढळला. किनारपट्टी साफ करण्यासाठी गेलेल्या स्वयंसेवकांना डॉल्फिनचा कुजलेला मृतदेह आढळला.#savesealife #Dolphins #environmentharm pic.twitter.com/0BKjj5Twco
— Hindusthan Post Marathi (@HindusthanPostM) April 18, 2022
मुंबई व नजीकच्या भागात गेल्या काही दिवसांपासून सागरी वन्यजीवांच्या मृतदेहाचा सडा आढळून येत आहे. वर्सोवा आणि जुहू किनाऱ्यावर गेल्या काही दिवसांत ऑलिव्ह रिडले कासव आणि गदा माशाचा ( डॉल्फिन सदृश्य ) मृतदेह आढळल्याच्या नोंदी आहेत. त्यातच मालाड येथे दानापानी चौपाटीची दर आठवड्याच्या शेवटी साफसफाई करायला जाणाऱ्या देवांग दवे या स्वयंसेवकाला डॉल्फिनचा मृतदेह आढळला. याबाबत तातडीने देवांग यांनी (स्प्रेडिंग अवेरनेस ऑन रेपटाईल्स एन्ड रिहेबिलीटेशन प्रोग्राम ) ‘ सर्प ‘ या प्राणीप्रेमी संस्थेला माहिती दिली. डॉल्फिन हा सागरी वन्यजीव असल्याने ‘ सर्प ‘ या संस्थेने वनविभागाच्या कांदळवन कक्षाला माहिती दिली.
( हेही वाचा: एक्स्प्रेसचा अपघात; लोकल सेवेला फटका, विद्यार्थी मुकले परीक्षेला )