महाराष्ट्र दिनानिमित्त येत्या १ मे रोजी होणाऱ्या मनसेच्या औरंगाबादमधील जाहीर सभेकरता जोरदार तयारी मनसेच्या पदाधिकाऱ्यांकडून सुरू आहे. या संदर्भातील बैठक मंगळवारी राज ठाकरेंच्या शिवतीर्थावर पार पडली. औरंगाबादेतील खडकेश्वर येथील मराठवाडा सांस्कृतिक मंडळाच्या मैदानावर ही सभा आयोजित करण्यात आली असून या सभेच्या परवानगी करता निवेदनही सादर करण्यात आले आहे. मात्र राज ठाकरे यांच्या या सभेला अनेक राजकीय संघटनांनी कडाडून विरोझ केल्याचे समोर आले आहे. पोलिसांनी अद्याप या सभेला परवानगी दिलेली नसून आजही परवानगीपत्र, शहरातील विविध संघटनांचा विरोध आणि कायदा यासंदर्भात वरिष्ठांच्या बैठका सुरू असल्याचे वृत्त आहे. त्यामुळे औरंगाबादमधील राज ठाकरेंची सभा होणार की नाही? याकडे साऱ्यांचे लक्ष लागून राहिले आहे.
(हेही वाचा -मनसेने आता पोलिसांना पाठवले असे पत्र)
Join Our WhatsApp Community