मुंबईत आता पोलिसांना 8 तास ड्युटी

मुंबई पोलीस दलातील महिला पोलिसांच्या  8 तास ड्युटीपाठोपाठ आता पोलीस अंमलदार आणि अधिका-यांच्या 8 तास ड्यूटीचा मार्ग मोकळा झाला आहे. आयुक्तांकडून हिरवा झेंडा मिळाल्यामुळे लवकरच 50 वर्षांखालील पोलिसांना 8 तास, तर 50 वर्षांपुढील पोलिसांसाठी 12/24 चा फाॅर्म्युला लागू करण्यात येणार आहे. येत्या दोन दिवसांत याबाबतचे आदेश निघणार असल्याचे आयुक्त संजय पांडे यांनी सांगितले आहे.

अधिका-यांकडे विचारणा

संजय पांडे यांनी आयुक्तपदी आल्यानंतर, महिला पोलिसांच्या ड्यूटीचे तास 8  करणा-या निर्णयाची अंमलबजावणी  केली होती. या पाठोपाठ आता आयुक्त संजय पांडे यांनी  मुंबई पोलीस दलातील अंमलदार आणि अधिका-यांनाही 8 तास ड्युटी करण्याबाबतची मागणी वाढली. आयुक्तांनी याबाबत फेसबुक पोस्ट करत अधिका-यांकडे विचारणाही केली होती.

( हेही वाचा: संपूर्ण भारतावर राज्य करणा-या ‘ईस्ट इंडिया कंपनी’चा मालक एक भारतीय आहे )

साहेब आमच्या 8 तासांचे काय ?

महिलादिनी मुंबई पोलीस दलातील महिला पोलिसांच्या 8 तास ड्युटीचा निर्णय घेण्यात आला.  मात्र, सशस्त्र पोलीस दलातील महिलांना अद्याप 8 तास ड्युटीचा निर्णय लागू करण्यात आलेला नाही. त्यामुळे आमच्यासाठी वेगळा न्याय का? असा सवाल सशस्त्र दलातील महिला पोलिसांकडून करण्यात येत आहे.