गुरुवारी, १४ जुलै रोजी मीरा-भाईंदर महापालिकेतील १८ नगरसेवक मुख्यमंत्री एकनाथ शिंदे यांच्या गटात सामील झाल्याचा दावा केला आहे. हे नगरसेवक आमदार प्रताप सरनाईक यांच्या संपर्कात असल्याचे खुद्द मुख्यमंत्री एकनाथ शिंदे यांनी सांगितले होते. या सर्व नगरसेवकांचे मुख्यमंत्र्यांनी स्वागत केले. पण काही वेळातच उद्धव ठाकरे गटाने एक यादीच जाहीर केली, त्यात एकनाथ शिंदे यांचा दावा खोटा ठरवत त्यांच्यासह दहा नगरसेवकांची यादी जारी केली.
मुख्यमंत्री शिंदे यांनी मीरा-भाईंदर महापालिकेत शिवसेनेच्या १८ नगरसेवक आपल्याला गटात येऊन मिळाले आहेत, असा दावा स्वतः मुख्यमंत्री म्हणाले. यासंदर्भात खुद्द मुख्यमंत्र्यांनी माहिती दिली, मात्र आता स्थानिक पातळीवरून आलेल्या माहितीनुसार उद्धव ठाकरे गटातून एकनाथ शिंदे गटात केवळ ९ नगरसेवक गेले असल्याची माहिती समोर आली आहे.
(हेही वाचा ऐन पावसाळ्यात पाणी संकट! ‘या’ भागातील पाणी पुरवठा १५ जुलैला ४ तास बंद)