पावसामुळे रद्द झालेल्या विद्यापीठाच्या परीक्षा लवकरच; नवे वेळापत्रक जाहीर

मुंबईत सध्या गेले काही दिवस सलग मुसळधार पाऊस पडत आहे. त्यामुळे मुंबई विद्यापीठाच्या परीक्षा रद्द कराव्या लागल्या होत्या. आता अतिवृष्टीमुळे रद्द कराव्या लागलेल्या पेपरच्या नवीन तारखा जाहीर करण्यात आल्या आहेत.

नवे वेळापत्रक

मुंबई विद्यापीठाच्या 14 जुलैच्या रद्द झालेल्या परीक्षा आता 18 ते 19 जुलै 2022 रोजी घेतल्या जाणार आहेत. मुंबई विद्यापीठ परीक्षा 2022 नवीन वेळापत्रक: अभियांत्रिकी, फार्मसी आणि एसएससी फायनान्सच्या एकूण 9 विषयांचे पेपर पुन्हा घेण्यात येतील. कम्युनिकेशन स्किल्स, बिझनेस कम्युनिकेशन एथिक्स-I, फायनान्शिअल अकाउंटिंग अॅंड मॅनेजमेंट, एंटरप्रेन्युअरशिप मॅनेजमेंट, बिझनेस इन्फ्रास्टॅक्चर अॅंड मॅनेजमेंट, ईआरपी, एशिक्स आणि सीएसआर, फिक्स्ड इन्कम सिक्युरिटीजसाठी या विषयांचे पेपर 18 जुलै रोजी घेतले जाणार आहेत. तसेच, क्लिनिकल इम्युनोलाॅजी आणि इम्युनोपॅथाॅलाॅजी या विषयांची परीक्षा 19 जुलैला होणार आहे.

( हेही वाचा: ‘छत्री’ ही पावसापासून संरक्षणासाठी बनलीच नव्हती; वाचा छत्रीच्या उगमाचा रंजक इतिहास )