अचंता आणि श्रीजाच्या जोडीने रचला इतिहास; टेबल टेनिसमध्ये सुवर्णपदक

भारताचा दिग्गज टेबल टेनिसपटू अचंता शरथ कमलने देशासाठी आणखी एक सुवर्णपदक कमावले आहे. अनुभवी स्टार शरथने युवा खेळाडू श्रीजा अकुलासह मित्र दुहेरीच्या अंतिम फेरीत सुवर्णपदक जिंकले. ( CWG 2022 Table Tennis) काॅमनवेल्थ गेम्स 2022 च्या नवव्या दिवशी 40 वर्षीय शरथ आणि 24 वर्षीय श्रीजा या खास भारतीय जोडीने रविवारी 7 ऑगस्टला रात्री उशिरा खेळल्या गेलेल्या अंतिम फेरीत मलेशियाचा 3-1 असा पराभव करत सुवर्णपदक आपल्या नावे केले.

GOLD FOR SHARATH AND SREEJA 🔥

🇮🇳's dynamic #TableTennis Mixed Doubles 🏓pair – the young sensation #SreejaAkula & the evergreen @sharathkamal1 team up to clinch the GOLD 🥇 at #CommonwealthGames2022

🇮🇳 wins 3-1 against 🇲🇾 in the XD final

A pairing to remember! 🤩#Cheer4India pic.twitter.com/oFRtlnOOjQ

— SAI Media (@Media_SAI) August 7, 2022

टेबल टेनिसमध्ये भारताचे दुसरे सुवर्ण

पाचव्या CWG मध्ये प्रथमच खेळांचा भाग बनलेल्या अचंता आणि श्रीजा यांनी मलेशियाच्या जावेन चुंग आणि कॅरेन लेन यांचा 11-4, 9/11,11-5, 11-6 असा पराभव केला. यापूर्वी शरथने जी साथियान, हरमीत देसाई आणि सनील शेट्टी यांच्यासह पुरुष दुहेरीत सुवर्णपदक जिंकले होते. 2006 च्या मेलबर्न गेम्समध्ये पदार्पण करणा-या शरथने त्याचे सहावे CWG सुवर्णपदक आणि एकूण 12 वे सुवर्णपदक जिंकले. आता त्याला आणखी एक सुवर्ण संधी आहे.

( हेही वाचा: Commonwealth Games 2022 :भारताला मिळाले १४वे सुवर्ण पदक, नितुने साकार केले स्वप्न )

पुरुष एकेरीच्या अंतिम फेरीत

भारताचा सर्वात यशस्वी पुरुष टीटी खेळाडू शरथ आता सोमवारी 8 ऑगस्ट रोजी खेळांच्या शेवटच्या दिवशी पुरुष एकेरीच्या अंतिम फेरीत प्रवेश करेल. 2006 मध्ये त्याच्या पहिल्याच गेममध्ये शरथने पुरुष एकेरीत सुवर्णपदक जिंकले. त्यानंतर, तो प्रथमच अंतिम फेरीत पोहोचला आहे.