मुंबई-आग्रा महामार्गाच्या विल्होळी जवळील आठवा मैल चौफुलीच्या उतारावर एक भीषण अपघात झाला आहे. नाशिक जिल्ह्यातील इगतपुरीजवळ हा अपघात झाला. या अपघातात एक जण ठार झाला असून पाच जण जखमी झाले आहेत. पहाटे पावणेतीन वाजण्याच्या सुमारास हा अपघात झाला. महिंद्रा थार गाडीच्या चालकाचा या अपघातामध्ये जागीच मृत्यू झाला. तर पाच जण गंभीर जखमी झाले असून, त्यांना तातडीने रुग्णालयात दाखल करण्यात आले. त्यांच्यावर सध्या उपचार सुरु आहेत.
चालक जागीच ठार
मुंबई-आग्रा महामार्गांवर आठव्या मैल भागात शुक्रवारी पहाटे भरधाव थार आणि कंटेनरचा अपघात झाला. या अपघातात 5 जण गंभीर जखमी झाले आहेत. तर महिंद्रा थार या कारचा चालक जागीच ठार झाला. या अपघातात इतर पाच जण थोडक्यात बचावले आहेत. या अपघातात महिंद्रा थार या कारचा चक्काचूर झाला आहे.
( हेही वाचा: मराठा आरक्षण निवडसूचीतील १ हजार ६४ उमेदवारांना तात्काळ नियुक्ती देण्यात येणार – मुख्यमंत्री )
भरधाव वेगाचा बळी
भरधाव वेगात असणारे महिंद्रा थार वाहन क्रमांक MP 09 WH 9936 हे पुढील बाजूला कंटेनर क्रमांक MG46 AR 7417 याला पाठीमागून ठोकर मारुन कंटेनरच्यामध्ये घुसल्याने अपघात झाला.
Join Our WhatsApp Community