काॅमेडियन मुनव्वर फारुकी यांच्या मुंबईतील कार्यक्रमाला मुंबई पोलिसांकडून परवानगी नाकारण्यात आली आहे. त्यामुळे रविवारी त्यांंचा कार्यक्रम रद्द करावा लागला. सण उत्सवाच्या पार्श्वभूमीवर काॅमेडीच्या माध्यमातून कुठल्याही धार्मिक वक्तव्यातून तेढ निर्माण होऊ नये, म्हणून पोलिसांनी त्याला 149 अंतर्गत नोटसही बजावली आहे.
यशवंतराव चव्हाण प्रतिष्ठान येथे मुनव्वर फारुकी याचा स्टॅंड अप काॅमेडी कार्यक्रम आपले रंगमंच प्रोडक्शन कंपनीतर्फे रविवारी रात्री 8 ते 11 वाजेपर्यंत आयोजित करण्यात आला होता. फारुकी याने त्याच्या स्टैंड अप काॅमेडी या कार्यक्रमामध्ये हिंदु देवी देवतांविषयी आक्षेपार्ह वक्तव्य केले असून, त्याच्या विरोधात गुन्हाही दाखल आहे. आगामी काळात गणेशोत्सव व नवरात्रौत्सव यासारखे सण साजरे करण्यात येणार आहेत. या कार्यक्रमातून कोणाच्याही धार्मिक भावना दुखावल्या जातील अशी वक्तव्ये होऊन त्यामुळे समाजात धार्मिक तेढ निर्माण होऊन कायदा व सुव्यवस्थेचा प्रश्न निर्माण होण्याची शक्यता आहे. सदर प्रकरणी कायदा व सुव्यवस्थेचा प्रश्न निर्माण झाल्यास व आपल्या कृतीमुळे सार्वजनिक शांतेतचा भंग झाल्यास आपणांस सर्वस्वी जबाबदार धरण्यात येईल व त्यानुसार आपल्यावर कायदेशीर कारवाई करण्यावर येईल अशी नोटीसदेखील पोलिसांकडून फारुकीला देण्यात आली आहे.
( हेही वाचा: ‘सत्तेविना मती गेली, जो मिळेल त्याच्याशी युती केली’: मनसेचे शिवसेनेवर टीकास्त्र )
Join Our WhatsApp Community