लेवाना हाॅटेलमध्ये अग्नीतांडव; भीषण आगीत अनेकजण अडकल्याची भीती

लखनौमधील हजरतगंज परिसरातील एका हाॅटलेमध्ये भीषण आग लागली आहे. लेवाना असे आग लागलेल्या हाॅटेलचे नाव असून, अनेकजण हाॅटेलमधील रुममध्ये अडकले आहेत. अनेक जण खिडक्या तोडून स्वत:चा जीव वाचवण्याचा प्रयत्न करत आहेत. या आगीच्या घटनेने यूपीची राजधानी लखनौमध्ये खळबळ उडाली आहे. सध्या घटनास्थळी मदतकार्य सुरु आहे.

उत्तर प्रदेशची राजधानी लखनऊ येथील लेवाना हाॅटेलमध्ये सोमवारी सकाळच्या सुमारास ही भीषण आग लागली. हे हाॅटेल लखनऊच्या हजरतगंज भागात आहे. लेवाना हाॅटेलला आग लागल्याची माहिती मिळताच परिसरात एकच खळबळ उडाली. हाॅटेलच्या खोल्यांमध्ये अनेक लोक अडकल्याचे सांगण्यात येत आहे. त्याचबरोबर आगीमध्ये काही जणांचा मृत्यू झाल्याचे देखील कळत आहे.

#WATCH | Uttar Pradesh: Fire breaks out at a hotel in Hazratganj in Lucknow. Efforts underway to evacuate the people in the hotel rooms. Details awaited. pic.twitter.com/gxKy6oYyOO

— ANI UP/Uttarakhand (@ANINewsUP) September 5, 2022

( हेही वाचा: Shivsena Dasara Melava: आता दसरा मेळाव्याचा वादही न्यायालयात जाणार ? )

मदतकार्य सुरु

मात्र हाॅटेलमध्ये अडकलेल्या लोकांना खिडक्या तोडून बाहेर काढण्यात येत आहे. यावेळी अग्नीशमन दलाच्या अनेक गाड्या घटनास्थळी दाखल झाल्या असून, मदतकार्य सुरु आहे. लेवाना हाॅटेल लखनऊमधील सर्वात उच्चभ्रू भागात असलेल्या हजरतगंजमध्ये आहे. घटनास्थळी उपस्थित असलेल्या लोकांच्या म्हणण्यानुसार, या हाॅटेलला लागलेली आग ही खूप भीषण आहे.