अमेरिकेतील कॅलिफोर्नियात तीन दिवसांपूर्वी एका भारतवंशिय कुटुंबाचे अपहरण झाले होते. यातील चौघांचेही मृतदेह पोलिसांना आढळून आले आहेत. गंभीर बाब म्हणजे यात आठ महिन्यांच्या मुलीचाही समावेश आहे. अपहरणाची घटना समोर आल्यानंतर कॅलिफोर्निया पोलिसांनी संशयित हे भयंकर असल्याचे म्हटले होते. पोलिसांनी व्यक्त केलेली भीती खरी ठरली. आतपर्यंत अपहरणाच्या गुन्ह्यात एका 48 वर्षीय व्यक्तीला ताब्यात घेण्यात आले आहे.
सीएनएनने दिलेल्या माहितीनुसार, मर्सिड काउंटी शेरीफ व्हर्न वाॅर्नके म्हणाले, ही घटना अत्यंत भयानक आणि धक्कादायक आहे. या प्रकरणात ज्या व्यक्तीला ताब्यात घेण्यात आले आहे तो एका सीसीटीव्ही फुटेजमध्ये दिसतो आहे. तो एका कुटुंबाला जबरदस्तीने ट्रकमध्ये बसवतानाही दिसला. मिळालेल्या माहितीनुसार, आठ महिन्यांचे अर्भक, तिचे आई-वडिल जसलीन कौर आणि जसदीप सिंग आणि काका अमनदीप सिंग हे सोमवारपासून बेपत्ता होते. काही काळ वाट पाहिल्यानंतर त्यांच्या कुटुंबीयांनी स्थानिक अधिका-यांकडे मदत मागितली होती.
( हेही वाचा: “तुमच्या स्क्रिप्टरायटरला क्रिएटिव्हिटी वाढवायला सांगा, कारण…”, फडणवीसांचा ठाकरेंच्या भाषणावर खोचक टोला! )
संशयित आरोपी ताब्यात
मर्सिड काउंटी शेरीफ व्हर्न वाॅर्नके म्हणाले की, या प्रकरणात एका व्यक्तीला अटक करण्यात आली आहे. ही व्यक्ती सध्या कोठडीत आहे. या व्यक्तीला 2005 मध्ये सशस्त्र दरोडा आणि खोट्या तुरुंगवासाच्या प्रकरणात दोषी ठरवण्यात आले होते. या प्रकरणात आणखीही काही लोक असण्याची शक्यता व्हर्न वाॅर्नके यांनी व्यक्त केली. पोलिसांकडे असलेल्या पुराव्यांमधील व्हिडीओमध्ये दिसते की, जसदीप आणि अमनदीप यांचे कुटुंब नऊ मिनिटांच्या अंतराने एक व्यावसायिक ट्रकमधून येताना दिसले. जसदीपला कचरा पिशवी घेऊन जाणा-या एका व्यक्तीशी काही चर्चा करतानाही व्हिडीओत पाहायला मिळाले. त्या व्यक्तीच्या हातात बंदुकही पहायला मिळत आहे.
Join Our WhatsApp Community