दिवाळीला शाळा, महाविद्यालयांना लागोपाठ सुट्ट्या असल्यामुळे अनेक लोक गावी किंवा बाहेरगावी जातात. आता दिवाळीनिमित्त विमान प्रवास स्वस्त होणार आहे. १४९९ रुपयांमध्ये आपल्याला देशांतर्गत प्रवास करता येणार आहे. विस्तारा कंपनीने आपल्या प्रवाशांना ही मोठी ऑफर दिली आहे.
( हेही वाचा : मध्य रेल्वेच्या कर्मचाऱ्यांची कौतुकास्पद कामगिरी! 9 महिन्यांत 62 जणांचे प्राण वाचवले )
दिवाळीनिमित्त या ऑफरची घोषणा करण्यात आली आहे. ही ऑफर इकोनॉमी, प्रिमियम इकोनॉमी आणि बिझनेस या तिन्ही ट्रॅव्हल क्लासमध्ये उपलब्ध असणार आहे. देशातंर्गत प्रवासासाठी नागरिकांना कमीत कमी १४९९ रुपयांचे तिकीट उपलब्ध असेल.
देशांतर्गत प्रवासाचा या ऑफर अंतर्गत लाभ घेण्यासाठी नागरिक १७ ऑक्टोबर ते १९ ऑक्टोबर रात्री ११.५९ वाजेपर्यंत बुकिंग करू शकतात. या दरम्यान, बुकिंग करणाऱ्या प्रवाशांनाच या ऑफरचा फायदा घेता येणार आहे. इकोनॉमी क्लासचे भाडे १ हजार ४९९ रुरये, प्रिमियम इकोनॉमीसाठी २ हजार ९९९ रुपये, बिझनेस क्लाससाठी ८ हजार ९९९ रुपये भाडेदर आहे.
आंतरराष्ट्रीय प्रवास
आंतरराष्ट्रीय प्रवास करायचा असल्यास इकोनॉमी रिटर्न तिकीटाची किंमत १४ हजार १४९ रुपयांपासून सुरू होते. प्रिमियम इकॉनॉमीसाठी १८ हजार ४९९ रुपये आणि बिझनेस क्लाससाठी ४२ हजार ४९९ रुपयांपासून तिकिटांच्या किंमती सुरू होतात. १७ ऑक्टोबर ते २० ऑक्टोबरपर्यंत तिकीट बुक करू शकता.
सवलतीच्या दरात भारतातील नागरिकांना प्रवास करण्याची संधी देताना आम्हाला आनंद होत आहे असे विस्ताराचे चीफ कमर्शियल ऑफिसर दीपक राजावत यांनी सांगितले.
Join Our WhatsApp Community